Biełaruś i Aman padpisali pahadnieńnie ab admienie viz
6 kastryčnika padčas aficyjnaha vizitu ŭ Minsk sułtana Amana Chajsama bien Tareka Al Saida Biełaruś i Aman padpisali pahadnieńnie ab uzajemnaj admienie viz, paviedamlaje pres-słužba Łukašenki.
Pahadnieńnie padpisali ministry zamiežnych spraŭ dźviuch krain — Maksim Ryžankoŭ ź biełaruskaha boku i Badr bien Chamad bien Chamud al-Busaidzi z amanskaha.
Zhodna z dakumientam, hramadzianie Biełarusi i Amana, jakija majuć nacyjanalnyja pašparty, buduć vyzvalenyja ad nieabchodnaści atrymańnia vizy dla ŭjezdu, vyjezdu i tranzitu. Žyć bieź vizy dazvalajecca da 30 dzion zapar z momantu ŭjezdu, a ahulny termin znachodžańnia ŭ krainie na praciahu kalandarnaha hoda nie pavinien pieravyšać 90 dzion.
Pry hetym termin dziejańnia pašparta pavinien składać nie mienš za šeść miesiacaŭ z daty ŭjezdu ŭ krainu.
Čytajcie taksama:
U Biełaruś prylacić sułtan Amana
Łukašenka prapanavaŭ Hiermanii adnavić adnosiny, zdymajučy pamiežnyja i inšyja barjery
U Polščy zatrymlivajuć biełarusaŭ, jakija skarystalisia z «iłžyvaha tranzitu»