Łukašenka prapanavaŭ Hiermanii adnavić adnosiny, zdymajučy pamiežnyja i inšyja barjery
Alaksandr Łukašenka pavinšavaŭ narod Fiederatyŭnaj Respubliki Hiermanija z Dniom hiermanskaha adzinstva.
Jon adznačyŭ, što abjadnańnie hetaj krainy ŭ 1990 hodzie stała adnoj z najbolš značnych padziej u historyi sučasnaj Jeŭropy.
«Niahledziačy na trahičnyja nastupstvy Druhoj suśvietnaj vajny, biełarusy i niemcy sumiesnymi namahańniami zdoleli znajści šlachi da prymireńnia i supracoŭnictva, — havorycca ŭ vinšavańni. — Toj dośvied zapatrabavany i siońnia, a jaho vyniki varta zachoŭvać i ŭmacoŭvać. Nieabchodna mudra rabić kroki nasustrač adno adnamu».
Łukašenka źviarnuŭ uvahu, što Biełaruś vyrašyła praciahnuć biaźvizavy režym dla hramadzian krain ES, u tym liku Hiermanii.
«Prapanujem razam zdymać pamiežnyja i inšyja barjery z metaj adnaŭleńnia dvuchbakovych adnosin, — adznačyŭ jon. — Heta budzie nialohka ŭ hety čas, ale całkam adpaviadaje sapraŭdnym intaresam našych krain i narodaŭ».
Zaŭvažym, što, jak zvyčajna, Łukašenka nie vinšuje kiraŭnictva «niedružalubnych krain», a piša takija zvaroty da naroda.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary73
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć2828
Kamientary