Paśla represij suprać redaktaraŭ biełaruskija raździeły Vikipiedyi bjuć antyrekordy

Paśla zatrymańniaŭ i cisku na biełaruskich vikipiedystaŭ abodva biełaruskamoŭnyja raździeły Vikipiedyi fiksujuć rekordna nizkija tempy rostu.

Futbołka ź viki-pryntom. Fota: Wikimedia Commons

Statystykaj padzialiŭsia administratar biełaruskaj Vikipiedyi Uładzisłaŭ Čachovič.

Antyrekord u biełaruskaj Vikipiedyi byŭ zafiksavany  ŭ lipieni — za miesiac byŭ stvorany tolki 361 novy artykuł. U vieraśni pakazčyk krychu padros da 569, ale heta ŭsio adno istotna nižej za raniej zvykłyja 900—1100 artykułaŭ na miesiac. Administratar adznačaje, što stabilnaść skončyłasia ŭ mai — adrazu paśla pačatku pieraśledu vikipiedystaŭ.

Kolkaść artykułaŭ, stvoranych u Biełaruskaj Vikipiedyi za miesiac. Fota: fejsbuk Uładzisłava Čachoviča 

«Dumaju, nie stolki fizičnaje zakryćcio redaktaraŭ paŭpłyvała, jak nierazumieńnie tymi, chto znachodzicca ŭ Biełarusi, pretenzij da viki i pravił hulni (ich i niama). Lepš być aściarožnym, čym praduktyŭnym», — adznačaje jon.

Jašče bolš adčuvalny spad aktyŭnaści ŭ raździele Vikipiedyi «taraškievicaj»: u vieraśni raździeł nie ŭziaŭ navat psichałahičnuju płanku ŭ sto artykułaŭ — stvorana ŭsiaho 99. Heta najhoršy pakazčyk z 2016 hoda.

Kolkaść pravak, zroblenych redaktarami Biełaruskaj Vikipiedyi za miesiac. Fota: fejsbuk Uładzisłava Čachoviča 

Uviesnu adbylisia zatrymańni prynamsi troch administrataraŭ biełaruskamoŭnych raździełaŭ Vikipiedyi pa kryminalnych spravach. Zatrymańni supravadžalisia prapahandysckimi materyjałami, u jakich encykłapiedyju nazyvali «zbrojaj masavaha paražeńnia», a biełaruskija raździeły — «kiravanymi z-za miažy». 

Viki-supolnaść nie była paralizavanaja, ale statystyka krasamoŭnaja: strach i niapeŭnaść nanieśli ciažki ŭdar pa adnoj z hałoŭnych krynic viedaŭ, napisanych pa-biełarusku.

Kamientary da artykuła