Hramadstva66

Administratarku biełaruskaj Vikipiedyi kinuli na sutki

Heta druhi vypadak pieraśledu za redahavańnie Vikipiedyi, jaki adbyŭsia za apošnija miesiacy.

Volha Sitnik. Fota: Wikimedia Commons

Redaktary biełaruskaj Vikipiedyi zaŭvažyli, što adna z administrataraŭ raździeła, Volha Sitnik, viadomaja pad nikam Chomiełka, źnikła 17 krasavika — raptoŭna pierastała pravić artykuły i vychodzić na suviaź. Mierkavałasia, što jana mahła być zatrymanaja.

Pavodle infarmacyi «Našaj Nivy», u toj dzień Sitnik zatrymlivali, ale adpuścili dadomu. Tydzień tamu Sitnik była zatrymanaja znoŭ i źmieščana na 10 sutak na Akreścina. 

Volha Sitnik — chatniaja haspadynia ź Minska, jakaja haduje troch niepaŭnaletnich dziaciej. U Vikipiedyi jana z 2009 hoda piša pra biełaruskuju tradycyjnuju kulturu i pryrodu, a taksama na takija temy, jak hrudnoje vykormlivańnie. Bolš za dva dziasiatki jaje artykułaŭ byli ŭhanaravanyja statusam «dobrych» ci «vydatnych». Z 2010 hoda bieśpierapynna źjaŭlajecca administratarkaj biełaruskaj Vikipiedyi.

Redahavańnie jakoha artykuła mahło pasłužyć pryčynaj dla pieraśledu, inšym redaktaram Vikipiedyi, da jakich my źviarnulisia pa kamientaryj, adkazać ciažka. Jany tłumačać, što paśla 2022 hoda, jaki adznačyŭsia šeraham zatrymańniaŭ biełaruskich vikipiedystaŭ, historyja pravak u artykułach na adčuvalnyja palityčnyja temy ŭ Biełaruskaj Vikipiedyi była schavanaja ad usich, navat ad administrataraŭ raździeła.

Heta ŭžo nie pieršy vypadak zatrymańnia redaktaraŭ biełaruskamoŭnych raździełaŭ Vikipiedyi za apošnija paŭhoda. U śniežni 2024 hoda byŭ zatrymany Stary Jolup, aktyŭny redaktar raździeła alternatyŭnym pravapisam. Praŭda, jaho sprava nie była źviazanaja z redahavańniem artykułaŭ.

Paśla, 13 sakavika 2025 hoda, źnik Kazimier Lachnovič (sapraŭdaje imia nieviadomaje), adzin z čatyroch administrataraŭ i biurakrat taho ž raździeła «taraškievicaj». Suviaź ź im z taho času adsutničaje, imavierna, jon byŭ zatrymany pa kryminalnaj spravie. 

Pry im u raździele zapisali, što adzinaj dziaržaŭnaj movaj Biełarusi nazyvajecca biełaruskaja, dziaržaŭnym ściaham — bieła-čyrvona-bieły ściah, hierbam — Pahonia, a Łukašenka atrymaŭ status «kiraŭnika akupacyjnaj administracyi». Biełaruskija viki-redaktary ličać, što hetyja rečy mahli pryciahnuć uvahu siłavikoŭ da raździeła «taraškievicaj».

Praz tydzień paśla źniknieńnia Lachnoviča vyjšaŭ prapahandyscki materyjał Ludmiły Hładkaj, u jakim prahučała, što Vikipiedyja — heta zbroja masavaha paražeńnia suprać krain postsavieckaj prastory, a biełaruski raździeł redahujecca z Polščy.

Zatrymańnie ciaham pary miesiacaŭ adrazu dvuch biełaruskich administrataraŭ Vikipiedyi vyhladaje častkaj adnoj akcyi, što padmacoŭvajecca napadkami prapahandystaŭ biez daj pryčyny. 

«Naša Niva» — bastyjon biełaruščyny

PADTRYMAĆ

Kamientary6

  • Maryja
    15.05.2025
    Bačna, što śvietły čałaviek
  • Mch
    15.05.2025
    Začyścili ŚMI, pajšli pa Vikipiedyju. Jany prosta vidać prystupić da druhoj častki svajho płana:
    1. Vycisnuli ŭsich aktyvistaŭ u Polšču.
    2. Ciapier kryčać, što "usia biełaruskaja Vikipiedyja redahujecca z Polščy".
    3. Chočuć maładym ludziam naviazać ułasnuju viersiju "praŭdy". Hryšu ź Jutuba papiorli za ekstremizm, i navat HUBAZiKa nie spužalisia, u vyniku jany prosta pahaŭkali na Jutub. A Vikipiedyja maje jašče takuju asablivaść: zachaoŭvaje IP adrasy ananimnych "praŭnikaŭ" tupa ŭ adkrytm dostupie. Prosta "biary dy idzi" pa chatach.
  • Pravda hłaza kolet
    15.05.2025
    Pravda hłaza kolet.
    Skolko, pravdu, nie zaprieŝaj, a ona, vsio ravno na ružu vyłazit.
    Kak nie napriahajetsia łukašienko, a sdiełať russkich iz biełarusov nie połučajetsia.
    Stanovitsia poniatno žiełanije łukašienko, zamieniť biełarusov na pakistanciev.

Ciapier čytajuć

Stała viadoma pra aryšt papularnaj mastački Aksany Šalapinaj6

Stała viadoma pra aryšt papularnaj mastački Aksany Šalapinaj

Usie naviny →
Usie naviny

«Nichto nie maje prava zabaranić mnie abniać dzicia». Minčanka ździviłasia strohim praviłam u dziciačym letniku5

AMAP zatrymlivaje minčukoŭ na miescy padzieńnia bieśpiłotnika ŭ dvary na Matusieviča26

Biełaruski biznesmien, jakoha šukaje Interpał, adkryŭ restaran u Varšavie. Ciapier ź im sudziacca byłyja padnačalenyja9

«Nie spali ŭsiu noč». Što adbyvajecca ŭ dvary ŭ Minsku, dzie źbili dron8

Miadźviedzieŭ pryhraziŭ ZŠA vajnoj paśla taho, jak Tramp skaraciŭ termin ultymatumu Pucinu7

Homielskija milicyjaniery vypadkova dadali «ekstremista» ŭ svoj unutrany čat — što jon tam ubačyŭ5

Čamu zdarajucca trahiedyi z byłymi biełaruskimi vajarami ŭ mirnym žyćci? Pra samahubstva dobraachvotnika ŭ Hdańsku i nie tolki8

Ratavalniki ceły viečar šukali rybaka-tapielca ŭ Miadzielskim rajonie. Na nastupny dzień jon viarnuŭsia pa łodku

U elitnym kvartale ŭ centry Minska prapanavali jašče partyju kvater. Cana kvadrata ŭražvaje6

bolš čytanych navin
bolš łajkanych navin

Stała viadoma pra aryšt papularnaj mastački Aksany Šalapinaj6

Stała viadoma pra aryšt papularnaj mastački Aksany Šalapinaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić