Tramp i Zialenski sustrenucca ŭ piatnicu

Kiraŭnik Biełaha doma paćvierdziŭ, što ŭ piatnicu, 17 kastryčnika, maje namier sustrecca z prezidentam Ukrainy Uładzimiram Zialenskim.

Uładzimir Zialenski i Donald Tramp padčas sustrečy ŭ Biełym domie 18 žniŭnia. Fota: Anna Moneymaker/Getty Images

Pra heta Donald Tramp zajaviŭ padčas razmovy z žurnalistami na borcie samalota Air Force One, tranślacyja Biełaha doma

: Tramp adkazaŭ śćviardžalna na pytańnie pra toje, ci prymie jon Zialenskaha ŭ Biełym domie hetaj piatnicaj. «Ja dumaju, što tak. Tak», — skazaŭ jon.

Prezident ZŠA paśla karotkaha adkazu na hetaje pytańnie padziakavaŭ i raźvitaŭsia z presaj.

Raniej Uładzimir Zialenski paćvierdziŭ, što pajedzie ŭ Vašynhton 17 kastryčnika pa zaprašeńni amierykanskaha prezidenta Donalda Trampa.

Kamientary da artykuła