Tramp: ZŠA mohuć pieradać Ukrainie rakiety «Tamahaŭk», kali Rasija nie pakładzie kaniec vajnie ŭ najbližejšy čas
«Mahčyma, ja pahutaru z Pucinym», — skazaŭ prezident ZŠA.
Prezident ZŠA Donald Tramp zajaviŭ, što moža adpravić Kijevu kryłatyja rakiety «Tamahaŭk» vialikaj dalokaści, kali vajnu va Ukrainie nie ŭdasca ŭrehulavać u najbližejšy čas, piša Bi-bi-si.
Hetamu papiaredničała telefonnaja razmova Trampa z prezidentam Ukrainy Zialenskim, u chodzie jakoj, jak paviedamlajecca, abmiarkoŭvałasia mahčymaść atrymańnia Ukrainaj rakiet «Tamahaŭk».
«Mahčyma, ja pahavaru ź im [z Pucinym]. Mahčyma, ja skažu: pasłuchaj, kali hetu vajnu nie ŭdasca ŭrehulavać, ja adpraŭlu im rakiety Tomahawk», — skazaŭ Tramp na borcie Air Force One, na jakim jon lacić u Izrail, dzie ŭ najbližejšyja hadziny CHAMAS pavinien vyzvalić usich pazastałych u žyvych izrailskich zakładnikaŭ.
U Kramli mahčymaść pieradačy rakiet «Tamahaŭk» Kijevu nazyvajuć surjoznym vitkom eskałacyi. Prezident Ukrainy Uładzimir Zialenski raniej skazaŭ, što kali ZŠA pahodziacca pieradać Ukrainie «Tamahaŭki», jana budzie ŭžyvać ich tolki suprać vajennych celaŭ.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ6
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary