Juryj Dudź zavitaŭ da samaha znakamitaha biełarusa na Madejry

Maksim Charošyn raspavioŭ u instahramie, što tydzień pravioŭ u kampanii papularnaha rasijskaha błohiera. Kaniešnie, nakarmiŭ taho dranikami.

Juryj Dudź i Maksim Charošyn. Fota: instahram Charošyna

Biełaruski biznesmien Maksim Charošyn vałodaŭ u Minsku kvietkavaj kramaj. Mnohim jon staŭ viadomym u 2020 hodzie paśla taho, jak jaho mocna źbili siłaviki. Charošyn ź siamjoj vyjechaŭ u Litvu, dzie adkryŭ kramu kvietak — paśla takija kramy źjavilisia i ŭ inšych krainach. Paźniej siamja pierabrałasia na partuhalski vostraŭ Madejra. Sioleta jany adkryli tam bar Who is Betty.

Ciapier Maksim raspavioŭ u instahramie, što da jaho zavitaŭ Juryj Dudź: «Za tydzień paśpieli pahulać u futboł, vypić vina ŭ našym bary, abmierkavać suśvietny paradak, schadzić na chajk, pajeści našych dranikaŭ, pažartavać z taho, chto kolki zarablaje, spytać, u čym moc, i, kaniešnie, pakazać naš vostraŭ z usich bakoŭ».

View this post on Instagram

A post shared by Maksim Kharoshyn (@horoshin)

Raniej Juryj Dudź rekłamavaŭ tur na Madejru, dzie ŭdzielnikam prapanoŭvali znajomicca z vostravam u kampanii viadomaha rasijskaha błohiera. Kaštavała 6‑dzionnaja vandroŭka ŭ kampanii Dudzia 12,5 tysiačy dalaraŭ. U hety košt byli ŭklučany śniadanki, abiedy i viačery ŭ restaranie, pražyvańnie pa 2 čałavieki ŭ numary 5‑zorkavaha hatela (dapłata za adnamiesnaje raźmiaščeńnie była 600 dalaraŭ), zabaŭlalnaja prahrama, tranśfier i hid. Pieralot u sumu nie ŭvachodziŭ.

Kamientary da artykuła