Uładalnik kvietkavaj kramy Maksim Charošyn zapuskaje biznes-brančy ŭ Vilni i Varšavie
Pra heta pradprymalnik raspavioŭ u instahramie.
Maksim Charošyn zajmajecca fłarystykaj bolš za 8 hadoŭ. U kvietkavy biznes jon pierajšoŭ z restarannaj śfiery — hetamu biznesu jon addaŭ 14 hadoŭ.
Paśla pierajezdu ŭ Vilniu Charošyn adkryŭ tam kvietkavuju kramu. A paźniej adkryŭ ich i ŭ inšych jeŭrapiejskich haradach — Varšavie i Ryzie.
U instahramie jon raskazaŭ, što vyrašyŭ abjadnacca ź inšymi biznesoŭcami i stać arhanizataram pieršych biełaruskich biznes-brančaŭ u Vilni.
«Heta kłasny farmat kamunikacyi, dzie ŭ svoj vychadny my ŭ niazmušanaj atmaśfiery za śniadankam i kielicham ihrystaha padzielimsia svaim dośviedam, raskažam śpiecyfiku anłajn– i afłajn-biznesu», — paviedamiŭ jon u storyz.
Takija śniadanki z roznymi śpikierami płanujuć arhanizoŭvać pa niekalki razoŭ na miesiac. Śpikierami buduć dyzajniery, ajcišniki, błohiery, artysty, pradprymalniki.
U Vilni jany startujuć z sakavika. A z krasavika taki farmat abiacajuć i ŭ Varšavie.
Maksim Charošyn źjechaŭ ź Biełarusi paśla taho, jak byŭ źbity siłavikami. 13 kastryčnika 2020 hoda ŭ Minsku jaho žorstka zatrymali, a z RUUS pavieźli na chutkaj u balnicu.
-
Biełarus paśla śmierci žonki zastaŭsia adzin ź dziećmi. Ich u jaho 12, ale jon dobra daje rady
-
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy
-
Jašče kala 400 hiektaraŭ ziamli na Homielščynie bolš nie ličacca radyjeaktyŭnymi
Kamientary