Ministr abarony Bielhii pryhraziŭ Pucinu zraŭniać ź ziamloj Maskvu

Ministr abarony Bielhii Tea Frankien u intervju vydańniu De Morgen zajaviŭ, što ŭ vypadku napadu Rasii na krainy NATA nastupstvy dla Maskvy buduć katastrafičnymi. Jon padkreśliŭ, što lubaja ataka na jeŭrapiejskija stalicy budzie razhladacca jak napad na ŭvieś aljans i vykliča nieadkładny adkaz.

Kałaž ilustracyjny

Frankien adznačyŭ: kali Pucin naniasie ŭdar, naprykład, pa Brusieli, heta budzie «ŭdar u samaje serca NATA», i tady Maskvu «zraŭniajuć ź ziamloj». Pry hetym ministr vykazaŭ upeŭnienaść, što rasijski lidar na taki krok nie pojdzie.

Jon taksama dapuściŭ mahčymaść hibrydnych pravakacyj u krainach Bałtyi, kali «zialonyja čałaviečki» pad vyhladam cyvilnych asob mohuć sprabavać vyklikać kanflikty, vykarystoŭvajučy ruskamoŭnyja mienšaści.

Adnačasova Tea Frankien papiaredziŭ, što nielha niedaaceńvać vajskovy patencyjał Rasii — jaje abaronnaja pramysłovaść, pavodle jaho słoŭ, vyrablaje ŭ čatyry razy bolš bojeprypasaŭ, čym usie krainy NATA razam.

Na słovy bielhijskaha ministra ŭžo adreahavała rasijskaje pasolstva ŭ Bielhii, nazvaŭšy zajavy Frankiena «pravakacyjnymi i biezadkaznymi», jakija mohuć «uciahnuć Jeŭropu ŭ novuju vajnu». U paviedamleńni dypmisii adznačajecca, što ministr «pryznaŭ vidavočny fakt» — vajna Rasijaj viadziecca nie tolki z Ukrainaj, a z usim «kalektyŭnym Zachadam».

Kamientary da artykuła