«My ŭ 25 razoŭ bolšyja». Hiensak NATA zaklikaŭ nie pierabolšvać vajskovy patencyjał Pucina
Krainy NATA mohuć efiektyŭna strymlivać Rasiju, bo majuć vajskovuju i ekanamičnuju pieravahu nad Maskvoj, zajaviŭ hienieralny sakratar Paŭnočnaatłantyčnaha aljansu Mark Rute.
«My ŭ 25 razoŭ bolšyja za Rasiju. Ahulny abjom ekanomiki NATO składaje $50 tryljonaŭ, a Rasii — $2 tryljony. Heta nie bolš, čym štat Techas», — skazaŭ Rute, adkazvajučy na pytańnie karespandenta The Moscow Times.
Jon zaklikaŭ «nie pieraaceńvać» vajskovy patencyjał Rasii. Pa słovach hiensaka NATA, rasijskija piłoty «nie atrymali pośpiech u kiravańni» źniščalnikami, a kapitany karabloŭ «nie viedajuć, jak apuścić jakar».
Pry hetym NATA na praciahu 70‑80 hadoŭ supraćstaić Rasii i ŭmieje pravilna reahavać na pravakacyi, padkreśliŭ hienieralny sakratar.
Jon taksama adznačyŭ, što siły Paŭnočnaatłantyčnaha aljansu atrymali paŭnamoctvy źbivać rasijskija samaloty, jakija ŭryvajucca ŭ pavietranuju prastoru krain błoka, ale tolki kali jany ŭjaŭlajuć pahrozu.
«Ja dumaju, što heta važna, i ruskija heta viedajuć», — padkreśliŭ Rute.
Jon zaklikaŭ daviarać vajskoŭcam aljansu, u jakich jość usio samaje lepšaje, i «nie ŭsprymać zanadta surjozna rasijan».
U toj ža čas Rute adznačyŭ nieabchodnaść vydatkoŭvać bolš srodkaŭ na abaronu, bo Pucin, jak pakazvaje vajna va Ukrainie, hatovy achviaravać miljonam čałaviek i napaści na krainy aljansu.
«Palavańnie na najbližejšaha miechanika». Mark Rute paśmiajaŭsia z Rasii praz pałomku jaje padvodnaj łodki
NATA paabiacała vykarystoŭvać dla abarony ad Rasii ŭsie srodki
Mark Rute abviaściŭ pra zapusk śpiecyjalnaj prahramy NATA dla abarony ŭschodniaha fłanhu aljansu
Hiensak NATA: Ekanomika Rasii nie bolšaja za ekanomiku Techasa, nie treba bajacca
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary
Spačatku Indyja, siońnia kamunistyčnaja chan-Kitajskaja imieryja, I Tureččyna nastupnaja ŭ čarzie!
Ŭsio tak, ale ž na vajnie trochi inšyja zakony, hrašymami niemahčyma stralać, da i vajujuć( i zahibajuć) ludzi, a nie dalary. Ja voś nie ŭpeŭnieny, što NATA biez ZŠA zdoleli b pieramahčy Rasieju za karotki čas.