Aryna Sabalenka trapiła pad sankcyi i straciła častku rejtynhavych bałaŭ
Jak paviedamlaje vydańnie Mirror, pryčyna sankcyj, nakładzienych na biełaruskuju tenisistku Arynu Sabielenku mižnarodnaj fiederacyjaj WTA — parušeńnie pravił, jakija abaviazvajuć spartsmienak udzielničać jak minimum u šaści turnirach katehoryi WTA 500 za siezon. Kab heta patrabavańnie nie vykonvać, pavinna być pavažnaja pryčyna, naprykład, traŭma.
Aryna Sabalenka. Fota: Robert Prange / Getty Images
Pakolki Sabalenka sioleta patrabavańnie nie vykanała, to jana straciła 10 bałaŭ na minułym tydni i jašče 120 paśla turniru ŭ Dubai. Taksama ŭ jaje zabrali 400 bałaŭ, zaroblenych na vynikovym turniry WTA 2024 hoda.
Anałahičnyja straty paniesła i asnoŭnaja kankurentka Sabalenki, polskaja tenisistka Iha Śviontek, jakaja straciła bolš za 170 bałaŭ na inšych spabornictvach, a taksama 400 bałaŭ z vynikovaha turniru.
Pad sankcyi trapili i inšyja viadomyja tenisistki — amierykanki Kory Haŭf, Amanda Anisimava i Medzisan Kiz.
Niahledziačy na heta, Aryna Sabalenka zastajecca ŭpeŭnienaj lidarkaj u suśvietnym rejtynhu WTA. Raniej paviedamlałasia, što jana ŭvachodzić u top-30 samych zapatrabavanych spartsmienaŭ 2025 hoda i zajmaje piataje miesca ŭ śpisie samych vysokaapłatnych tenisistaŭ śvietu.
Čytajcie taksama:
Sabalenka prajhrała ŭ paŭfinale turniru va Uchani. Čaćviortaha tytuła nie budzie
Sabalenka skončyć hod pieršaj rakietkaj śvietu