Pieršaja rakietka śvietu Aryna Sabalenka publična ahučyła svaju pazicyju adnosna vajennych kanfliktaŭ. Svajo mierkavańnie jana vykazała ŭ intervju brytanskamu łajf-koŭču Džieju Šeci — aŭtara padkasta On Purpose pra mientalnaje i fizičnaje zdaroŭje, paviedamlaje Telegraf.news.
U samym kancy hadzinnaha intervju, zapisanaha paśla pieramohi Sabalenki na Adkrytym čempijanacie ZŠA, padkaster zadaŭ sieryju karotkich pytańniaŭ. Adno ź piaci pytańniaŭ, jakija Šeci zadaje kožnamu svajmu hościu, zastajecca niaźmiennym ad vypusku da vypusku.
«Kali b vy mahli ŭvieści adzin zakon, jakomu ludzi pavinny byli b padparadkoŭvacca, što b heta byŭ za zakon?» — tak hučyć niaźmiennaje finalnaje pytańnie padkastara, čyj kanał na YouTube naličvaje 4,5 miljona padpisčykaŭ.
Na jaho Sabalenka adkazała biez vahańniaŭ:
«Ja b chacieła, kab usio vyrašałasia šlacham pieramovaŭ. Biez vojnaŭ i kanfliktaŭ. Siadajcie, razmaŭlajcie, vyrašajcie svaje prablemy. Nie vychodźcie z pakoja, pakul nie dasiahniecie zhody. Heta vyratavała b šmat žyćciaŭ».
Pavodle jaje słoŭ, «heta toje, što patrebna sučasnamu śvietu».
Niahledziačy na toje, što intervjujer nie staŭ raźvivać temu i zadavać dadatkovyja pytańni pra kantekst, zajava Sabalenki ŭsio roŭna vyklikała vialiki rezanans, bo stała, pa sutnaści, pieršym publičnym vykazvańniem na temu vajny.
Sabalenka znoŭ vyjhrała US Open i zarabiła $5 miljonaŭ
Aryna Sabalenka zachoŭvaje vielizarny adryŭ u suśvietnym rejtynhu
Dla Aryny Sabalenki dumajuć naniać asabistuju achovu
Maksim Mirny staŭ kansultantam u trenierskim štabie Aryny Sabalenki
Bojfrend Aryny Sabalenki staŭ saŭładalnikam francuzskaha futbolnaha kłuba
Kamientary