Barysaŭskamu błohieru adpomścili za rolik, źniaty ŭ lesie
Błohier z Barysava Alaksiej Arbuzaŭ niadaŭna vystaviŭ u sacsietkach rolik ź lesu, u jakim abvinavaciŭ miascovych leśnikoŭ u «masavaj vysiečcy». Paźniej lashas daŭ tłumačeńnie, što heta byli zvyčajnyja sanitarnyja raboty, błohier pryznaŭ, što pamyliŭsia, vydaliŭ videa i navat paabiacaŭ zakryć svaje akaŭnty. Ale represiŭnaj mašynie suprać jaho ŭžo byŭ dadzieny chod, ciešacca na svaich resursach prapahandysty.
Alaksiej Arbuzaŭ. Skrynšot ź videa
Praź niekatory čas stała viadoma, što mužčynu zatrymali. Farmalnaj pryčynaj dla hetaha nazvali nie videarolik pra les, a «hrachi» piacihadovaj daŭniny. Siłaviki znajšli, što ŭ 2020 hodzie Alaksiej pastaviŭ łajk na videa ź bieł-čyrvona-biełaj simvolikaj u «Adnakłaśnikach».
Sproby zapeŭnić, što jon łajalny ŭładam, nie dapamahli — sud pryznaŭ Alaksieja Arbuzava vinavatym u demanstracyi niezarehistravanaj simvoliki i prysudziŭ 15 sutak administracyjnaha aryštu.
Čytajcie taksama:
Zasnavalnika papularnaha hrodzienskaha sajta S13 asudzili na 3,5 hady kałonii
58‑hadovaj łahistcy dali kałoniju za kamientary ŭ internecie i nazvali terarystkaj