Zasnavalnika papularnaha hrodzienskaha sajta S13 asudzili na 3,5 hady kałonii
Hrodzienski abłasny sud 31 kastryčnika asudziŭ palitviaźnia Siarhieja Čaboćku pavodle art. 361‑1 (stvareńnie ekstremisckaha farmavańnia) Kryminalnaha kodeksa. Redaktaru papularnaha hrodzienskaha sajta S13 pryznačyli try hady i šeść miesiacaŭ pazbaŭleńnia voli ŭ kałonii va ŭmovach uzmocnienaha režymu i štraf 1000 bazavych vieličyniaŭ, piša «Viasna».
Pra prysud paviedamiła namieśnica načalnika adździeła prakuratury Hrodzienskaj vobłaści Ludmiła Hierasimienka.
Pavodle materyjałaŭ spravy, Siarhiej Čaboćka
«sumiesna ź inšymi asobami stvaryŭ sajt S13 i adnajmiennyja resursy, dzie publikavalisia zakliki da hvałtoŭnaj źmieny kanstytucyjnaha ładu, abraza pradstaŭnikoŭ ułady i paklopnickija śviedčańni adnosna prezidenta Biełarusi».
Sam Čaboćka, jak paviedamlajecca, svajoj viny nie pryznaŭ.
Redaktara błoha S13 zatrymali 23 kastryčnika 2024 hoda. Jaho sudzili trojčy — za «raspaŭsiud ekstremisckich materyjałaŭ» i «pikiet» u internecie. Niezadoŭha da aryštu stała viadoma, što kantent S13 i jaho sacsietki pryznanyja «ekstremisckimi materyjałami». Paśla sajt pryznali i «ekstremisckim farmavańniem».
s13ru i «Piśmo.bieł» pryznali ekstremisckimi farmavańniami
Uładalnik haradzienskaha sajta s13.ru Siarhiej Čaboćka nie vyjšaŭ paśla 45 sutak aryštu
«Jašče 10 čałaviek pajechali». Jak kašmaryli Hrodna padčas apošniaj abłavy
Hrodna staić na vušach paśla pryznańnia papularnaha haradskoha sajta «ekstremisckim». Ale na hetym nie skončyłasia
Kamientary
Eto žie obłastnoje upravlenije KHB połnosťju kontrolirovało dannyj błoh Hrodno i było na postojannoj tielefonnoj śviazi s Sierhiejem Čaboťko kak jeho sisadminom.