Biełarusam dazvolili ŭdzielničać u mižnarodnych spabornictvach pa vodnym poła i konnym sporcie

Mižnarodnaja fiederacyja vodnych vidaŭ sportu pryniała rašeńnie dazvolić spartsmienam ź Biełarusi i Rasii ŭdzielničać u mižnarodnych turnirach pa vodnym poła. Abnoŭlenyja praviły pačnuć dziejničać z 1 studzienia 2026 hoda.

Fota: bwpf.by

Biełaruskija i rasijskija atlety zmohuć vystupać u spabornictvam pa vodnym poła, hetak ža sama jak u płavańni, skačkach u vadu, sinchronnym płavańni i płavańni na adkrytaj vadzie, ale tolki ŭ niejtralnym statusie — bieź dziaržaŭnych ściahoŭ i himnaŭ. Taksama im zabaroniena mieć suviazi ź siłavymi strukturami.

Vodnaje poła stała pieršym kamandnym vidam sportu paśla pačatku rasijskaha napadu na Ukrainu, u jakim kamandy hetych krain byli adchilenyja ad spabornictvaŭ, ale ciapier znoŭ atrymali dopusk. Raniej Biełaruś i Rasija byli adchilenyja ad mižnarodnych startaŭ praz padtrymku vajny suprać Ukrainy.

Padobnaje rašeńnie pryniała i Mižnarodnaja fiederacyja konnaha sportu (FEI): z 2026 hoda biełaruskija i rasijskija spartoŭcy taksama zmohuć udzielničać u spabornictvach pad niejtralnym ściaham.

Kamientary da artykuła