Mižnarodny alimpijski kamitet (MAK) aficyjna paviedamiŭ, što rasijskija spartyŭnyja kamandy, uklučajučy nacyjanalnuju zbornuju pa chakiei, nie zmohuć pryniać udzieł u zimovaj Alimpijadzie 2026 hoda ŭ Italii. Heta źviazana ź dziejnymi sankcyjami, uviedzienymi paśla pačatku poŭnamaštabnaj vajny suprać Ukrainy.
Rašeńnie było apublikavana paśla taho, jak u Rasii źjaviłasia infarmacyja pra pieramovy pamiž Fiederacyjaj chakieja Rasii i Mižnarodnaj fiederacyjaj chakieja (IIHF) nakont mahčymaści ŭdziełu rasijskaj zbornaj u Hulniach. U MAK, adnak, nahadali, što ich rekamiendacyi z sakavika 2023 hoda zastajucca ŭ sile, i kamanda ź niejtralnych spartoŭcaŭ nie moža ličycca aficyjnaj zbornaj.
Niahledziačy na strohija abmiežavańni, asobnyja rasijskija i biełaruskija spartsmieny raniej zmahli ŭdzielničać u letniaj Alimpijadzie 2024 hoda ŭ Paryžy, ale tolki ŭ niejtralnym statusie — bieź ściaha, himna i inšych nacyjanalnych znakaŭ. Hetak ža sama moža być i ciapier.
Niekatorym fihurystam z Rasii i Biełarusi ŭžo dazvolili vystupić u kvalifikacyi da zimovaj Alimpijady-2026, ale taksama vyklučna jak niejtralnym atletam.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary