ZŠA mohuć raźmiaścić vajskoŭcaŭ na avijabazie ŭ Damasku
Złučanyja Štaty rychtujucca stvaryć vajennuju prysutnaść na avijabazie ŭ Damasku. Meta hetaha kroku — harantavać pahadnieńnie ab biaśpiecy, jakoje Vašynhton ciapier rychtuje pamiž Siryjaj i Izrailem, piša Reuters.
Donald Tramp sustrakajecca z prezidentam Siryi Achmiedam al-Šaraa ŭ Er-Ryjadzie, Saudaŭskaja Aravija, 14 maja 2025 h. Fota: Bandar Aljaloud / Saudi Royal Palace via AP
Hetyja płany, pra jakija raniej nie paviedamlałasia, źjaŭlajucca prykmietaj źmieny stratehičnaha kursu Siryi ŭ bok ZŠA paśla padzieńnia Bašara Asada.
Avijabaza znachodzicca la ŭvachoda ŭ paŭdniovyja rajony Siryi, dzie, jak čakajecca, budzie stvorana demilitaryzavanaja zona ŭ ramkach pakta ab nienapadzieńni pamiž Izrailem i Siryjaj. Pieramovy pra hetaje pahadnieńnie viaducca pry pasrednictvie administracyi prezidenta ZŠA Donalda Trampa.
Paviedamlajecca, što prezident Donald Tramp sustreniecca z prezidentam Siryi Achmiedam aš-Šaraa ŭ Biełym domie ŭ paniadziełak. Heta budzie pieršy taki vizit kiraŭnika Siryi.