Apublikavali prajekt novaha kaścioła ŭ Mahilovie
Probašč ryma-katalickaj parafii śviatoha Kazimira i śviatoj Jadvihi ŭ Mahilovie ajciec Raman Šulc pakazaŭ prajekt budučaha kompleksu manachaŭ daminikanaŭ u hetym horadzie, piša Katolik.life.
Tak maje vyhladać budučy kaścioł
Parafija, jakoj apiakujucca daminikanie, isnuje ŭžo šmat hadoŭ i tulicca ŭ prostym domie.
Dom, u jakim parafija adpraŭlaje nabaženstvy ciapier
Ciapier raspracavany prajekt budučaha budynka, dzie pad adnym dacham raźmieściacca kaplica, klaštar, pamiaškańni dla dušpastyrskaj dziejnaści i pakoi dla haściej. Dla realizacyi prajekta pryjdziecca znajści sponsaraŭ — daminikanie prosiać pra adpaviednuju malitvu.
Jak daviedalisia vierniki, novy budynak płanujuć raźmiaścić na tym ža ŭčastku, dzie daminikanie znachodziacca ciapier — pa Minskaj šašy, 8b, u mikrarajonie Kazimiraŭka. Stary budynak chočuć źnieści i pačać budaŭnictva novaha.
Ale ŭsio nie tak chutka — miarkujecca, što budaŭnictva zmohuć pačać prykładna praz dva hady.
Čytajcie taksama:
Jak prasoŭvajecca rekanstrukcyja Čyrvonaha kaścioła ŭ Minsku FOTAFAKT
Pad Minskam chočuć stvaryć muziej kryžoŭ pad adkrytym niebam. Znajšłosia miesca i dla vusataj baby