Апублікавалі праект новага касцёла ў Магілёве
Пробашч рыма-каталіцкай парафіі святога Казіміра і святой Ядвігі ў Магілёве айцец Раман Шульц паказаў праект будучага комплексу манахаў дамініканаў у гэтым горадзе, піша Katolik.life.
Так мае выглядаць будучы касцёл
Парафія, якой апякуюцца дамінікане, існуе ўжо шмат гадоў і туліцца ў простым доме.
Дом, у якім парафія адпраўляе набажэнствы цяпер
Цяпер распрацаваны праект будучага будынка, дзе пад адным дахам размесцяцца капліца, кляштар, памяшканні для душпастырскай дзейнасці і пакоі для гасцей. Для рэалізацыі праекта прыйдзецца знайсці спонсараў — дамінікане просяць пра адпаведную малітву.
Як даведаліся вернікі, новы будынак плануюць размясціць на тым жа ўчастку, дзе дамінікане знаходзяцца цяпер — па Мінскай шашы, 8б, у мікрараёне Казіміраўка. Стары будынак хочуць знесці і пачаць будаўніцтва новага.
Але ўсё не так хутка — мяркуецца, што будаўніцтва змогуць пачаць прыкладна праз два гады.
Чытайце таксама:
Як прасоўваецца рэканструкцыя Чырвонага касцёла ў Мінску ФОТАФАКТ
Пад Мінскам хочуць стварыць музей крыжоў пад адкрытым небам. Знайшлося месца і для вусатай бабы