«Sdiełano v Biełoruśsii». Sacsietki ŭzbudzilisia ad syru zahadkavaha pachodžańnia
Karystalniki sacsietak abmiarkoŭvajuć dziŭnuju znachodku — syr va ŭpakoŭcy, padazrona padobnaj na brend «Brest-Litoŭski», zaŭvažyła BGmedia. Što heta — padrobka ci kreatyŭ ad vytvorcaŭ?
U Threads adzin z karystalnikaŭ vykłaŭ fota syru, jaki vyklikaŭ burnaje abmierkavańnie. Na ŭpakoŭcy — viadomy styl «Brest-Litoŭskaha», charakternyja kolernaja hama i šryft… Ale jość niuans: napisana, što heta syr «Rasijski», a źvierchu — «Sdiełano v Biełoruśsii». Voś tolki nijakaj infarmacyi pra vytvorcu niama.
Reakcyja sacsietak była imhniennaj i biaźlitasnaj.
«Zroblena ŭ nieviadomym miescy. Biełoruśsija — heta dzie?».
«Vykińcie, u jaho termin prydatnaści hadoŭ 30 tamu jak skončyŭsia».
«U «Brest-Litoŭska» šryft nie taki navat. Heta zakos».
«Mienavita z-za takoha haŭna na ŭsioj biełaruskaj małočcy ciapier QR-kody!»
Karystalniki adznačyli, što sapraŭdnaja pradukcyja «Savuškava praduktu» (uładalnik brenda «Brest-Litoŭsk») daŭno abaronienaja ad padrobak, u tym liku znakami na ŭpakoŭcy, jakija bačnyja tolki pad ultrafijaletavymi pramianiami.
U apošnija hady biełaruskija vytvorcy aktyŭna zmahajucca z padrobkami. QR-kody, achoŭnyja płasty, śpiecčarniła — usio dziela taho, kab spažyviec nie trapiŭ na vudu falsifikataraŭ. Asabliva časta biełaruskija pradukty padrablajuć na rasijskim rynku — brend viadomy, davier vysoki, a kantrol — nie zaŭsiody strohi.
Pakul nieviadoma, dzie mienavita byŭ znojdzieny zahadkavy syr. Ale jasna adno: kali vy bačycie «Sdiełano v Biełoruśsii» — varta naściarožycca. Biełaruskija pradukty siabie tak nie nazyvajuć užo bolš za 30 hadoŭ.
Zvyčajny pačak biełaruskaha masła pad ultrafijaletam pakazaŭ schavanyja tajamnicy
«Heta nazyvajecca «adpiska». «Savuškaŭ» adkazaŭ na skarhu adnosna paŭpustych upakovak
«Savuškaŭ pradukt» trapiŭ pad chvalu krytyki za paŭpustyja ŭpakoŭki
«Jak z płastylinu». Biełaruska paskardziłasia na śmiatanu ad «Savuškavaha»
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary