Ministr zamiežnych spraŭ Litvy abmierkavaŭ biełaruskaje pytańnie z Džonam Koŭłam
10 listapada ministr zamiežnych spraŭ Litvy Kiastucis Budrys u Vašynhtonie sustreŭsia ź niadaŭna pryznačanym śpiecyjalnym pasłańnikam ZŠA pa spravach Biełarusi Džonam Koŭłam. Pra vyniki hetaj sustrečy paviedamiła pres-słužba litoŭskaha MZS.
Kiastucis Budrys i Džon Koŭł. Fota: urm.lt
Padčas sustrečy Kiastucis Budrys adznačyŭ, što, niahledziačy na zachady, pryniatyja Litvoj i mižnarodnaj supolnaściu, biełaruski režym praciahvaje hibrydnyja ataki suprać Litvy, čym stvaraje pahrozu biaśpiecy mižnarodnaj avijacyi i pavyšaje napružanaść u rehijonie. Tamu, pavodle ministra, nieabchodna ŭzmacniać cisk na režym i pašyrać sankcyi.
Taksama Budrys paviedamiŭ amierykanskamu dypłamatu pra praciahłyja parušeńni pavietranaj prastory mietearałahičnymi šarami i płyni nielehalnaj mihracyi, padkreśliŭšy, što dziejańni Biełarusi nosiać naŭmysny i varožy charaktar. Jon taksama padziakavaŭ ZŠA za padtrymku i salidarnaść u situacyi z hibrydnymi atakami z boku Biełarusi.
Akramia taho, baki abmierkavali rolu Biełarusi ŭ padtrymcy rasijskaj ahresii suprać Ukrainy.
Čytajcie taksama:
Łukašenka anansavaŭ pieramovy z delehacyjaj ZŠA
Cichanoŭskaja nazvała pryznačeńnie Koŭła «abnadziejvajučym krokam»