Cichanoŭskaja nazvała pryznačeńnie Koŭła «abnadziejvajučym krokam»
Nacyjanalnaja lidarka Biełarusi padziakavała Donaldu Trampu za hetaje rašeńnie, adznačyŭšy, što z Koŭłam jany ŭžo niekalki miesiacaŭ supracoŭničajuć dziela vyzvaleńnia palitviaźniaŭ i spynieńnia represij.
«Prezident ZŠA Donald Tramp naminavaŭ Džona Koŭła na pasadu śpiecyjalnaha pasłańnika pa Biełarusi. Heta važny i abnadziejvajučy krok — znak taho, što Biełaruś i našy palitviaźni zastajucca ŭ fokusie ŭvahi Złučanych Štataŭ.
Chaču padziakavać Prezidentu Trampu za heta rašeńnie i za ŭsie jahonyja namahańni dziela vyzvaleńnia ludziej. Tolki za apošnija miesiacy dziakujučy jahonaj kamandzie amal 100 biełaruskich palityčnych zakładnikaŭ vyjšli na volu. Za hetaj ličbaj — žyvyja ludzi, ich siemji, ich bol i čakańnie. I ciapier my čakajem novych vyzvaleńniaŭ.
Razam z Džonam Koŭłam i jaho kamandaj my ŭžo niekalki miesiacaŭ pracujem nad tym, kab viarnuć našych ludziej dadomu, kab spynić represii, kab dać nadzieju tym, chto ŭsio jašče za kratami. My cenim hetyja vysiłki i budziem rabić usio, kab jak maha chutčej pabačyć usich na voli.
Paru miesiacaŭ tamu razam z spadarom Koŭłam u ambasadzie ZŠA ŭ Vilni my sustrakali vyzvalenych zakładnikaŭ. Jany prajšli praz hady izalacyi, katavańniaŭ. Heta była vielmi emacyjnaja sustreča — ślozy, uśmieški, abdymki.
My praciahniem razam z našymi partniorami damahacca vyzvaleńnia ŭsich palitviaźniaŭ i sapraŭdnych pieramienaŭ u Biełarusi.
Biełaruś budzie volnaj. I kožny, chto siońnia ŭ pałonie, vierniecca dadomu».
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary
dadomu? jany ž nie ŭ Biełarusi