Pamianiali patrabavańni nie tolki da bulby, ale i da jabłykaŭ

Premjer-ministr Biełarusi Alaksandr Turčyn padpisaŭ pastanovu, u jakoj vyznačyli abaviazkovyja patrabavańni da jakaści i kalibroŭki bulby i jabłykaŭ, jakija pastaŭlajucca pa dziaržzakazie.

Zdymak ilustracyjny. Fota: Słonimski vieśnik

Pra źmienu patrabavańniaŭ da bulby raniej paviedamlała Ministerstva antymanapolnaha rehulavańnia i handlu.

Jakija mienavita patrabavańni vyznačyli ŭ handlovych sietkach da jabłykaŭ, u paviedamleńni ŭrada nie ŭdakładnili, a sama pastanova pakul nie apublikavanaja.

Akramia taho, dakumient źmianiŭ terminy ŭstanaŭleńnia cen na płodaaharodninnuju pradukcyju i zabieśpiačeńnia zaklučeńnia dahavoraŭ pastaŭki.

Taksama pavialičyli pa rehijonach abjomy bulby, kapusty, burakoŭ, morkvy i repčataj cybuli, jakija pastaŭlajuć sa stabilizacyjnych fondaŭ, na heta mižsiezońnie.

Kamientary da artykuła