U Biełarusi ŭviedzieny novyja standarty dla bulby, pra što było ahučana ŭ Ministerstvie antymanapolnaha rehulavańnia i handlu.
Hetyja źmieny nakiravanyja na palapšeńnie jakaści pradukcyi i zadavalnieńnie patreb spažyŭcoŭ. Zhodna z abnoŭlenym dziaržaŭnym standartam, pamier bulby ciapier pavinien znachodzicca ŭ miežach ad 45 da 80 milimietraŭ, u toj čas jak raniej minimalny pamier składaŭ 35 milimietraŭ, paviedamlaje Blizko.by.
U ramkach abmierkavańnia zapasaŭ harodniny na zimu pradstaŭniki MARH adznačyli, što dla zabieśpiačeńnia nasielnictva ŭ 2025—2026 hadach spatrebicca kala 148,78 tysiačy ton harodniny, jakaja ŭvachodzić u tradycyjny «borščavy nabor».
Na 10 listapada ciapierašniaha hoda ŭ stabilizacyjny fond było zakładziena 147,91 tysiačy ton, što składaje 96,4% ad nieabchodnaha abjomu. Adnak pa jabłykach pakazčyki zastajucca nižej zapłanavanych — jany skłali tolki 80,7%.
Što datyčycca cenavaj palityki, to dla harodniny i fruktaŭ, jakija zakupajucca ŭ ramkach dziaržaŭnaha zakazu, ustanoŭleny hraničnyja roźničnyja ceny.
Najbolš vysoki košt majuć jabłyki, jakija buduć pradavacca pa canie 4,8 rubla za kiłahram.
Astatniaja harodnina maje nastupnyja ceny: buraki — 1,17 rubla, morkva — 1,35 rubla, kapusta — 1,62 rubla, cybula — 1,68 rubla, a bulba — 1,07 rubla za kiłahram.
Ciapier čytajuć
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»2
Kamientary