U «Bajsoł» viarnułasia dyrektarka, jakaja abviaščała pra zvalnieńnie z-za dykpikaŭ Stryžaka
Apieracyjnaja dyrektarka «Bajsoła» Hanna Dapševičucie abviaściła ŭ vieraśni pra svajo zvalnieńnie z fonda — usio praz skandał vakoł Andreja Stryžaka i dykpikaŭ. Jak akazałasia, ciapier jana znoŭ u strai.
Hanna Dapševičucie. Fota: citydog.by
Hanna Dapševičucie vyrašyła pakinuć «Bajsoł» paśla taho, jak tam rasśledavali kiejs Andreja Stryžaka i adpraŭlenych im dykpikaŭ. Mieniedžarka fonda i niekalki jaje kaleh nie pahadzilisia z rašeńniem bolšaj častki bajsołaŭcaŭ praciahnuć supracu sa Stryžakom, niahledziačy na skandał. Paźniej Andrej Stryžak sam vyrašyŭ syści z «Bajsoła».
Ciapier Hanna znoŭ pracuje na pasadzie apieratyŭnaj dyrektarki ŭ fondzie. Jak patłumačyli «Našaj Nivie» ŭ pres-słužbie «Bajsoła», jurydyčna Hanna i nie zvalniałasia z arhanizacyi. Uvieś dyrektarat, kažuć u fondzie, taksama praciahvaje pracu ŭ poŭnym składzie.