Redaktaru «Vikipiedyi» dali dva hady kałonii za «dyskredytacyju Biełarusi»
37‑hadovaha vykładčyka adnaho sa staličnych univiersitetaŭ abvinavacili ŭ tym, što jon abnaŭlaŭ artykuły pra prezidenckija vybary ŭ Biełarusi. Taksama mužčynu aštrafavali na 12600 rubloŭ.
Pavodle materyjałaŭ kryminalnaj spravy, mužčyna, jaki pracavaŭ vykładčykam u adnym z VNU, u pieryjad z 2020 pa 2025 hod raźmiaščaŭ u adkrytym dostupie na Vikipiedyi 25 paviedamleńniaŭ, jakija ŭtrymlivali, na dumku uładaŭ, zaviedama chłuślivyja źviestki. U ich havaryłasia pra historyju Biełarusi, dziaržaŭnyja simvały, prezidenckija vybary, refierendumy, dziejnaść ułady i pravavy stan hramadzian.
Śledstva śćviardžaje, što dziejańni mužčyny nanieśli škodu dziaržaŭnym i hramadskim intaresam i «dyskredytavali Respubliku Biełaruś».
Na sudzie abvinavačany całkam pryznaŭ vinu, adznačyŭšy, što rabiŭ heta pad uździejańniem infarmacyi ź internet-resursaŭ, jakija ciapier pryznanyja ekstremisckimi materyjałami.
Sud pryznaŭ mužčynu vinavatym pavodle artykuła 369‑1 Kryminalnaha kodeksa i pryznačyŭ pakarańnie — 2 hady pazbaŭleńnia voli i štraf u pamiery 300 bazavych vieličyń (prykładna 12,6 tysiač rubloŭ).
Čytajcie taksama:
«Sprava dvarovych čataŭ»: jak čaty susiedziaŭ pieratvarylisia ŭ kryminalnuju spravu