Za adzin kamientar — dva hady turmy. U Minsku vynieśli prysud adnamu z dvuch bratoŭ z Rečycy, zatrymanych uviesnu
Były žychar Rečycy, jaki apošnija hady žyŭ u Minsku i tam u krasaviku byŭ zatrymany, Vadzim Zdaraviennaŭ, asudžany na pazbaŭleńnie voli. Prysud vynieśli 10 listapada ŭ Minsku i pryznačyli byłomu rečyčaninu 2 hady pazbaŭleńnia voli, piša «Fłahštok».
Jaho abvinavacili ŭ abrazie Łukašenki pavodle artykuła 368 Kryminalnaha kodeksa pa adnym epizodzie — za adzin niehatyŭny kamientar u adras dyktatara, raspavioŭ «Fłahštoku» znajomy Vadzima, jaki byŭ šakavany žorstkaściu prysuda.
Były rečyčanin prafiesijna zajmaŭsia fatahrafavańniem. Da jaho pryjšli siłaviki praź niekalki dzion paśla taho, jak na ŭjeździe ŭ Biełaruś zatrymali jahonaha brata Alesia Zdaraviennava, aktyvista z Rečycy.
Spravaj Alesia zajmaŭsia KDB, u čym jaho abvinavačvajuć — dahetul nieviadoma, sud nad im pakul nie pryznačany. Alesia zatrymali ŭ kancy sakavika na miažy ź Litvoj, adkul jon viartaŭsia paśla zarobkaŭ. Spačatku ŭ jaho znajšli «ekstremizm» u telefonie i asudzili na administracyjny aryšt.
Zatym Alesia ŭziali pad vartu pa abvinavačvańni ŭ palityčna matyvavanym kryminalnym artykule. Jaho praciahvajuć utrymlivać u SIZA Hrodna.
U 2020 hodzie Aleś braŭ udzieł u mirnych akcyjach pratestu suprać falsifikacyi vynikaŭ prezidenckich vybaraŭ. Za heta jaho tady pryciahvali da administracyjnaj adkaznaści. Nastupny raz jaho aštrafavali na 1160 rubloŭ za vyviešany na ŭłasnym padvorku biełaruski nacyjanalny ściah.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary