Jehipiet źbirajecca amal udvaja pavialičyć ceny na svaje vizy

U Jehipcie moža istotna pavysicca košt ujaznych viz — ź ciapierašnich $25 da prykładna $45. Parłamient krainy ŭžo padtrymaŭ adpaviednyja papraŭki, choć kančatkova zakon jašče nie pryniaty, paviedamlaje vydańnie Egypt Today.

Zdymak ilustracyjny. Krynica: vecteezy.com

Pavodle prajekta zakona, Ministerstva zamiežnych spraŭ Jehipta zmoža brać dadatkovy zbor da $20 za afarmleńnie lubych ujaznych, tranzitnych abo konsulskich viz jak u samim Jehipcie, tak i ŭ pasolstvach za miažoj. Mienavita hety novy zbor i moža pavialičyć ahulnuju canu vizy amal udvaja.

Apošni raz košt jehipieckich vizaŭ padymali ŭ 2014 hodzie: tady adnarazovaja viza padaražeła z $15 da $25. U 2017‑m pavysili košt šmatrazovych viz — z $35 da $60. Taksama jość piacihadovaja šmatrazovaja viza, jakaja kaštuje $700.

Fiederacyja turystyčnych pałat Jehipta źviarnułasia da premjer-ministra i ministra turyzmu z prośbaj nie dapuścić pryniaćcia zakona, bo takoje padaražańnie moža admoŭna paŭpłyvać na turystyčny siektar.

Jehipiet užo šmat hadoŭ źjaŭlajecca adnym z papularnych turystyčnych kirunkaŭ i dla žycharoŭ Biełarusi. 

Kamientary da artykuła