Ad šakaładnaha syru da vohniennych burhieraŭ: jakija navinki źjavilisia ŭ Biełarusi

Vosień padychodzić da kanca, i na palicach biełaruskich kram užo pačynajuć źjaŭlacca siezonnyja i śviatočnyja navinki. Vytvorcy vypuskajuć abmiežavanyja sieryi praduktaŭ, natchnionyja zimovymi smakami i nastrojem nadychodziačych śviataŭ — ad desiertaŭ da haračych straŭ, piša «Anłajnier».

«Małočny śviet» prezientavaŭ šakaładny płaŭleny syr

U kramach źjaviłasia navinka ad pradpryjemstva «Małočny śviet» — šakaładny płaŭleny syr. Vytvorca adznačaje, što pradukt spałučaje słodyč kakavy i lohkuju salenavataść syru. Novy smak pryznačany dla ŭžyvańnia jak samastojny desiert abo ŭ jakaści namazki na tosty.

Posmotrieť etu publikaciju v Instagram

Publikacija ot Mołočnyj Mir (@molochnyimir)

«Santa Bremar» vypuściła marožanaje sa smakam imbirnaha piernika

U liniejcy źjaviłasia navahodniaja limitavanaja viersija — marožanaje sa smakam imbirnaha piernika i šakaładnym sousam. Vytvorca adznačaje, što ŭ składzie sapraŭdy šmat piernikavaha ciesta, a vypusk abmiežavany.

«Savuškaŭ» vypuściŭ kaladny małočny kaktejl sa smakam bułački z karycaj

Kampanija «Savuškaŭ» pakazała limitavanuju navinku — małočny kaktejl «Top» sa smakam bułački z karycaj. Siezonny napoj źjaviŭsia ŭ kramach z 10 listapada i budzie pradavacca tolki niekalki miesiacaŭ.

Pa danych vytvorcy, asnovaj kaktejlu stała śviežaje adbornaje małako, a smak natchniony kłasičnaj zdobaj z karycaj i śmietankovaj pamadkaj.

«Čyrvony charčavik» vypuściŭ šakaładnyja draže ŭ kalarovaj hłazury

Kandytarskaja kampanija «Čyrvony charčavik» prezientavała novuju pradukcyju — šakaładnyja draže ŭ jarkaj kalarovaj hłazury. Usiaredzinie — miakki małočny šakaład, a zvonku — tonkaja hłazura roznych adcieńniaŭ.

Navinka pazicyjanujecca jak anałah papularnych šakaładnych draže i ŭžo jość u prodažy ŭ firmovych kramach kampanii.

Vypuścili marožanaje «Staličnaje elit» pa matyvach adnajmiennych cukierak

Minski choładakambinat №2 razam z fabrykaj «Kamunarka» prezientavali navinku — maroziva eskimo «Staličnaje elit», stvoranaje pa matyvach znakamitych cukierak. Pieršaja partyja ŭžo vyrablenaja, i ŭ chutkim časie pradukt źjavicca ŭ minskich kramach.

«MakBaj» prapanuje novy vostry burhier «8 piercaŭ»

Z 12 pa 16 listapada ŭ mabilnym dadatku MojMak.by adkryty pieradprodaž piakučych navinak — «Ahniadyšačy Bif» i «Ahniadyšačy Čykien». Košt kožnaha burhiera — 15,50 rubla. Novyja pazicyi stanuć pačatkam vostraj liniejki Mak.by pad nazvaj «8 piercaŭ», pryśviečanaj firmovamu sousu.

Kamientary da artykuła