Vystavili na prodaž koła ahladu ź minskaha parku Čaluskincaŭ

Aŭkcyjon arhanizavała dziaržaŭnaja kampanija «Minskzielanbud». Pačatkovaja cana — 51,6 tysiačy rubloŭ, krok pavyšeńnia staŭki — 5%.

Fota: Hata.by

Atrakcyjon «Koła ahladu» byŭ vyrableny ŭ 2010 hodzie na pradpryjemstvie «Sarmat» va ŭkrainskaj Vińnicy. Jaho biaśpiečnaja ekspłuatacyja harantavałasia na piać hadoŭ pry vykanańni instrukcyj.

Atrakcyjon pryznačany dla zabavy i aktyŭnaha adpačynku dziaciej, starejšych za 14 hadoŭ, i darosłych. Jon znachodzicca ŭ pracoŭnym stanie, vyšynia — 27,5 mietra.

Akramia hetaha, na aŭkcyjon taksama vystavili «Horku dla katańnia» z pačatkovaj canoj 163,2 tysiačy rubloŭ i atrakcyjon «Zubr» («Ładździa») — 24 tysiačy rubloŭ.

Kamientary da artykuła