Pradajuć atrakcyjon «Supier8» z parka Čaluskincaŭ. Jon u pracoŭnym stanie
Adzin z samych viadomych atrakcyjonaŭ Biełarusi «Supier-8» byŭ demantavany ŭ 2025 hodzie i ciapier vystaŭleny na aŭkcyjon. Infarmacyja pra łot źjaviłasia na elektronnaj handlovaj placoŭcy «Dziaržhandal», piša Mlyn.by.
Atrakcyjon byŭ pastaŭleny ŭ parku Čaluskincaŭ u 2008 hodzie. Na praciahu 17 hadoŭ jon słužyŭ krynicaj adrenalinu dla naviednikaŭ starejšych za 14 hadoŭ, zastajučysia samymi vialikimi amierykanskimi horkami ŭ krainie. Demantaž kanstrukcyi ŭ 2025 hodzie byŭ źviazany z aficyjnym zakančeńniem terminu ekspłuatacyi.
Niahledziačy na vyviedzieny z ekspłuatacyi status, pradaviec zapeŭnivaje, što stan atrakcyjona pracoŭny. Kanstrukcyja vahoj amal 85 ton zajmaje płošču kala 2000 m² i zdolnaja razhaniać vahanietki z 18 pasažyrami da 60 km/h.
Startavaja cana łota — 236 tysiač rubloŭ. Krok aŭkcyjonu składaje 5%, što aznačaje, što novy ŭładalnik zabiare lehiendu parku jak minimum za 248 tysiač rubloŭ.
Na tarhi vystaŭleny jašče adzin atrakcyjon z parku Čaluskincaŭ — «Zubr» (taksama viadomy jak «Ładździa»). Hety dziciačy atrakcyjon, vypuščany ŭ 2000 hodzie, pryznačany dla naviedvalnikaŭ ad 9 hadoŭ i znachodzicca ŭ pracoŭnym stanie. Jaho pačatkovaja cana značna nižej — 34,8 tysiačy rubloŭ.
Tarhi, u chodzie jakich vyznačycca los abiedźviuch słavutaściej, startujuć 27 kastryčnika ŭ 10:00.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»33
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary