Niahledziačy na zakančeńnie letnich kanikuł, siezon zabaŭ na atrakcyjonach u parkach kultury i adpačynku stalicy praciahvajecca. Dva novyja atrakcyjony źjaviacca ŭ minskich parkach užo ŭ vieraśni hetaha hoda, paviedamiŭ žurnalistam namieśnik hiendyrektara — hałoŭny inžynier UP «Minskzialenbud» Rusłan Kasievič.
«Heta atrakcyjon «Miks» u parku imia Čaluskincaŭ i atrakcyjon «Pažarnaja kamanda» ŭ Centralnym parku imia Horkaha. Ja dumaju, što ŭ vieraśni budzie pastaŭka, i my pačniem pracavać pa mantažy hetych atrakcyjonaŭ», — rastłumačyŭ jon.
Usiaho ŭ Minsku, pavodle słoŭ Rusłana Kasieviča, ciapier jość 59 atrakcyjonaŭ, u tym liku 26 — u parku Horkaha, 14 — u parku Čaluskincaŭ, 11 — u parku Uha Čaviesa i 9 — u parku 900-hodździa Minska.
Pry hetym u 2025 hodzie śpisanyja dva sastarełyja atrakcyjony: «Lebiedzi» (park Čaluskincaŭ) i «Vals» (park Horkaha). U hetyja parki nieŭzabavie pastaviać takija ž novyja atrakcyjony. Zakupleny i novy «Cmok» u park Horkaha.
U budučyni minčukoŭ i haściej stalicy chočuć paradavać taksama «Ładździoj» i «Matacykłami». Hetyja atrakcyjony, vierahodna, zakupiać u pačatku 2026 hoda.
Siezon pracy atrakcyjonaŭ va ŭsich čatyroch parkach kultury i adpačynku stalicy praciahniecca da kanca vieraśnia. Ale jaho mohuć i padoŭžyć, kali heta dazvolać ŭmovy nadvorja.
Ciapier čytajuć
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4646
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie46
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary