Ukraina i Rasija znoŭ abmianialisia ciełami zahinułych

20 listapada praz pamiežny pierachod Novaja Huta ŭ Homielskim rajonie adbyŭsia abmien ciełami zahinułych vajskoŭcaŭ pamiž Ukrainaj i Rasijaj.

Fota ilustracyjnaje

Ukrainie viarnuli tysiaču ciełaŭ jaje abaroncaŭ, jakija znachodzilisia na akupavanych terytoryjach, a Rasii pieradali tolki 30 ciełaŭ.

Takija dyspraparcyjnyja suadnosiny tłumačacca tym, što rasijskaja armija, nastupajučy, zajmaje pole boju — razam ź ciełami.

U apošni tydzień Maskva i Kijeŭ aktyvizavali kantakty ŭ hetaj halinie. Raniej kožny z bakoŭ zajaŭlaŭ, što humanitarnyja abmieny «na paŭzie».

Papiaredni abmien zahinułymi adbyŭsia miesiac tamu, 23 kastryčnika. Tady ŭ Rasiju viarnuli 31 cieła, a Kijevu pieradali 1000 ciełaŭ vajskoŭcaŭ.

Kamientary da artykuła