Cieraz Prypiać pabudujuć całkam novy most
Novy aŭtamabilny most cieraz Prypiać pavinien źjavicca pamiž Łuninieckim i Stolinskim rajonami, a jahonaje budaŭnictva płanujuć zaviaršyć da 2030 hoda. Pra heta paviedamiŭ u svaim telehram-kanale hienieralny dyrektar RUVP «Hranit», člen Savieta Respubliki Eduard Haŭryłkovič.
Ciapier dla złučeńnia praz Prypiać Łuninieckaha i Stolinskaha rajonaŭ isnuje paromnaja pieraprava. Fota: Media-Polesye
Eduard Haŭryłkovič zhadaŭ pra mierkavanaje budaŭnictva novaha mosta pry kamientavańni niadaŭniaj narady ŭ Alaksandra Łukašenki, pryśviečanaj kompleksnaj prahramie raźvićcia rajonaŭ Prypiackaha Paleśsia na pieryjad da 2030 hoda:
«Heta praryŭ dla łahistyki, ekanomiki i štodzionnaha žyćcia tysiač siemjaŭ», − napisaŭ Haŭryłkovič pra novy mierkavany most.
U płanie raźvićcia transpartnaj infrastruktury hetaha rehijonu Biełarusi sienatar taksama adznačyŭ kapitalny ramont aŭtadaroh, uklučajučy trasu R-105 Hancavičy — Łahišyn i rekanstrukcyju mastoŭ praz reki Słuč, Ubarć i pojmu Śćvihi.
Čytajcie taksama:
Na novym moście ŭ Mazyry, jaki adkryvaŭ Łukašenka, padśviatleńnie pratrymałasia tolki niekalki dzion
Łukašenka ŭ Mazyry adkryŭ abnoŭleny most cieraz Prypiać
Jak vyhladaje ŭ Mazyry most praz Prypiać, budaŭnictva jakoha zaviaršajecca FOTY