Abnoŭleny most cieraz Prypiać u Mazyry paśla dvuch hadoŭ rekanstrukcyi byŭ uračysta adkryty 6 listapada ŭ prysutnaści Alaksandra Łukašenki. Novy most staŭ bolš šyrokim, tam źjaviŭsia lift i, jak abiacajuć, aryhinalnaja padśvietka.
Na cyrymoniju byli zaprošany pradstaŭniki pracoŭnych kalektyvaŭ darožnych arhanizacyj, jakija ŭdzielničali ŭ budaŭnictvie mosta, žychary Mazyrskaha rajona. «Pa isnujučaj tradycyi da Dnia Kastryčnickaj revalucyi ludziam padnosiać padarunki — značnyja, maštabnyja abjekty, i abnoŭleny most — adzin ź ich», — napisała Biełta.
Raniejšy most cieraz Prypiać na hetym miescy byŭ pabudavany ŭ 1958 hodzie. Praź dziesiacihodździ ekspłuatacyi jamu spatrebiłasia rekanstrukcyja. Raboty vialisia na praciahu dvuch hadoŭ.
Abnoŭleny most staŭ bolš šyrokim (10 mietraŭ zamiest siami), na im abstalavany ahladnaja placoŭka na novaj vantavaj arcy, lift z boku Mazyra, «aryhinalnaja» padśvietka.
Sam most dziakujučy vantavaj arcy i padśvietcy jašče da adkryćcia staŭ ablubavanaj fotazonaj dla žycharoŭ Mazyra, piša Biełta.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary