Žycharka Mahilova zaklučyła šlubnuju damovu, kab nie płacić padatki
U Mahilovie pryznali niesapraŭdnym šlubnuju damovu, jaki žančyna zaklučyła tolki dziela taho, kab paźbiehnuć vypłaty padatkaŭ, pošlin i inšych finansavych abaviazacielstvaŭ.
Fota ilustracyjnaje
Pavodle infarmacyi prakuratury, mahilaŭčanku pryznali vinavataj va ŭchileńni ad apłaty mytnych płaciažoŭ, padatkaŭ i inšych zboraŭ, a taksama ŭ niezakonnaj pradprymalnickaj dziejnaści. Suma naniesienaj škody skłała bolš za 240 tysiač rubloŭ.
Paśla taho jak orhany prymusovaha vykanańnia pačali praces spahnańnia hrošaj na karyść dziaržavy i aryštavali aŭtamabil, zarehistravany na muža žančyny, jana terminova aformiła šlubny kantrakt. Pavodle hetaha dakumienta, usia majomaść, nažytaja ŭ šlubie, pierachodziła va ŭłasnaść muža, choć siamja praciahvała žyć razam, vieści ahulnuju haspadarku, a žančyna atrymlivała svoj zvyčajny zarobak.
Prakuror źviarnuŭsia ŭ sud z patrabavańniem pryznać damovu fiktyŭnaj — zaklučanaj tolki dla vyhladu z metaj paźbiehnuć spahnańnia daŭhoŭ. Sud całkam zadavoliŭ pazoŭ i pryznaŭ šlubnuju damovu niesapraŭdnaj.
Čytajcie taksama:
Ci abaviazkova, kab na cyrymonii rehistracyi šlubu prysutničali śviedki?
Syn try hady vydavaŭ siabie za pamierłuju maci, kab atrymlivać jaje piensiju
U Rasii z-za «efiektu Dolinaj» 3000 siemjaŭ zastalisia biez žylla. Ci varta bajacca biełarusam?