U Rasii z-za «efiektu Dolinaj» 3000 siemjaŭ zastalisia biez žylla. Ci varta bajacca biełarusam?
U susiedniaj Rasii razharnułasia sapraŭdnaja drama na rynku nieruchomaści. Bolš za 3000 siemjaŭ, u asnoŭnym maładych, jakija nabyli kvatery, zastalisia i biez žylla, i ź niepahašanaj ipatekaj. Vinoj tamu akazaŭsia tak zvany «efiekt Dolinaj». Što heta i ci pahražaje heta ŭ Biełarusi, piša «Telehraf».
Sutnaść schiemy ŭ tym, što piensijaniery pradajuć svaje kvatery, a potym, časam praz hod, praz sud dakazvajuć, što dziejničali pad ciskam ašukancaŭ. U svaju čarhu, sudy časta ŭstajuć na ich bok, viartajučy im žyllo. A voś hrošy pakupnikam nazad iduć, miakka kažučy, drenna — «pa kapiejčynie ź piensii». Naturalna, takaja situacyja prymusiła niervavacca i žycharoŭ Biełarusi, jakija zadajucca pytańniem: a ŭ nas takoje mahčyma?
Ekśpiert pa žyłoj nieruchomaści Natalla Litoŭskaja zajaviła, što ŭ Biełarusi sudy prytrymlivajucca inšaj łohiki. «U dobrasumlennych pakupnikoŭ kvatery nie adbirajuć!» — zajaviła śpiecyjalistka. Jana śćviardžaje, što biełaruski sud najpierš vyśviatlaje klučavyja momanty: ci sapraŭdy pradaviec chacieŭ pradać kvateru, ci paćvierdziŭ jon dobraachvotnaść ździełki i ci atrymaŭ hrošy. Kali na ŭsie pytańni adkaz «tak», to ździełka pryznajecca sapraŭdnaj.
«A kudy padzieła hrošy z prodažu — heta ŭžo nie pradmiet razhladu. Heta pradmiet asobnaj kryminalnaj spravy ab machlarstvie», — prakamientavała Litoŭskaja.
Što takoje «efiekt Dolinaj»?
Heta ašukanskaja schiema, nazvanaja pa imieni śpiavački Łarysy Dolinaj, jakaja praz sud viarnuła sabie pradadzienuju kvateru, zajaviŭšy, što stała achviaraj afierystaŭ.
Paśla hetaha vypadku, jaki stvaryŭ sudovy precedent, ašukancy prydumali schiemu, jakaja i stała masavaj. «Pradaviec», časta piensijanier, dziejničajučy ŭ zmovie z ašukancami, pradaje kvateru, a zatym asprečvaje ździełku, kab i žyllo viarnuć, i hrošy zachavać.
Śpiavačka Łarysa Dolina raskazała, što navat pazyčała hrošy, kab addać ich machlaram. Usiaho ź jaje vyciahnuli kala 4 miljonaŭ dalaraŭ
«Daskanałyja i spłanavanyja ašukanskija dziejańni». Łarysa Dolina raskazała, jak stała achviaraj machlaroŭ
Machlary raźviali rasijskuju śpiavačku Łarysu Dolinu. Jana pieraviała im miljon dalaraŭ
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje8
Kamientary