U Vašynhtonie kala Biełaha doma była stralanina, paciarpieli dvoje vajskoŭcaŭ
Dvoje słužboŭcaŭ Nachvardyi ZŠA atrymali ranieńni ŭ vyniku stralaniny kala Biełaha doma. Ich špitalizavali ŭ krytyčnym stanie.
Skrynšot ź videa
Nieŭzabavie hubiernatar štata Zachodniaja Virdžynija Patryk Morysi paviedamiŭ, što vajskoŭcy, paranienyja padčas stralaniny, pamierli ŭ balnicy. Jon adznačyŭ, što vajskoŭcy byli vychadcami z hetaha štata. Ale nieŭzabavie akazałasia, što jon mieŭ niedakładnuju infarmacyju i nasamreč abodva nachvardziejcy žyvyja, choć i znachodziacca ŭ krytyčnym stanie.
U palicyi zajavili, što padazravany zatrymany, jon taksama ciažka paranieny. Rajon zdareńnia byŭ ačepleny, žycharoŭ zaklikali paźbiahać hetaj terytoryi.
«Žyviolina, jakaja stralała ŭ bajcoŭ Nachvardyi ZŠA, surjozna paranienaja, ale ŭsio adno paniasie vielmi surovaje pakarańnie», — napisaŭ prezident ZŠA Donald Tramp u svajoj sacyjalnaj sietcy Truth Social.
Sam Tramp u momant stralaniny byŭ u Fłarydzie na svaim poli dla holfa ŭ Uest-Pałm-Bič. Vice-prezident ZŠA Džej Dzi Vens znachodziŭsia ŭ štacie Kientuki.
Čytajcie taksama:
«Nie karalam!» U ZŠA prajšli maštabnyja akcyi pratestu suprać Trampa. Toj adkazaŭ u svajoj maniery
Tramp zahadaŭ uvieści vojski jašče ŭ adzin amierykanski horad
Tramp nakiravaŭ Nacyjanalnuju hvardyju ŭ Vašynhton i zapatrabavaŭ ad biazdomnych pakinuć horad
Tramp nakiroŭvaje Nachvardyju ŭ Łos-Andželesie, dzie iduć pratesty suprać palavańnia na mihrantaŭ