Z hulniavoha kłuba spahoniać kala miljona rubloŭ jak niezapłačanyja padatki za čajavyja

Padatkovaja słužba Biełarusi patrabuje z TAA «F», uładalnika adnaho z hulniavych kłubaŭ, dapłacić kala adnaho miljona rubloŭ. Mienavita ŭ takuju sumu inśpiektary acanili niavypłačany padachodny padatak z čajavych, jakija naviedvalniki davali supracoŭnikam ustanovy.

Fota ilustracyjnaje

Padčas niečakanaj pravierki padatkovaj było ŭstanoŭlena, što ŭ kłubie rehularna vypłačvali hrošy «ŭ kanviertach» jak aficyjna naniatym rabotnikam, tak i tym, chto nie byŭ aformleny. Pry hetym havorka idzie nie pra zarobki, a mienavita pra čajavyja: padziaki klijentaŭ atrymlivali nie tolki aficyjanty, ale i krupje, i administracyja — «za starannuju pracu».

Pavodle MNS, u kłubie isnavała schiema: usie čajavyja źbiralisia ŭ ahulnuju «skarbonku», a kiraŭnik sam raźmiarkoŭvaŭ ich pamiž tymi, kaho ličyŭ vartymi zaachvočvańnia, pry hetym pakidajučy častku sabie. Padatki z hetych sum nie vypłačvalisia, choć dachody ŭ vyhladzie čajavych pavinny abkładacca padatkam.

Ciapier kiraŭniku kampanii daviadziecca nieści adkaznaść — vyrašajecca tolki, budzie parušeńnie ličycca administracyjnym ci kryminalnym. Ale niezaležna ad hetaha, miljon rubloŭ padachodnaha padatku daviadziecca zapłacić.

Źviestki ab parušeńniach užo pieradali ŭ Fond sacyjalnaj abarony nasielnictva i «Biełdziaržstrach» dla raźliku naležnych adličeńniaŭ.

Kamientary da artykuła