Minčanka: «Žyroŭka pryjšła na 240 rubloŭ, choć ja pracuju. Akazałasia, heta z-za kvataranta»
«Darmajedskuju «kamunałku» buduć abmiarkoŭvać jašče doŭha. Navat tyja, chto atrymaŭ całkam standartnuju zimovuju płaciežku (a ich bolšaść). Jak ni kruci, da žyrovak z sumami 200 i bolš rubloŭ biełarusy nie pryvykli. Pry hetym, jak vyśvietliłasia, da «mahutnaj trojki» (nie zaniatyja ŭ ekanomicy, toj, chto nadoŭha źjechaŭ zva miažu i tyja, chto «trymaje» mietry biez prapisanych) dałučajecca jašče adna katehoryja. Voś jakaja historyjaj padzialiłasia z Onliner minčanka Maryna, va ŭłasnaści ŭ jakoj znachodzicca dvuchpakajovaja kvatera.
— U śniežni minułaha hoda ja ŭpieršyniu vyrašyła zdać svaju dvuchpakajoŭku. Pieršapačatkova ŭ jakaści kvatarantaŭ razhladała tolki hramadzian Biełarusi. A potym mnie patelefanavała dziaŭčyna z Turkmienistana. U razmovie jana była nastolki pryjemnaj, što ja vyrašyła ryzyknuć i pasupracoŭničać z zamiežnikami, — raspaviadaje minčanka.
Kvatarantaŭ akazałasia troje. Taja samaja dziaŭčyna z mužam i ich svajak.
— Jak i naležyć, my zaklučyli dahavor u raźlikova-daviedačnym centry, paznačyŭšy dvuch najmalnikaŭ. A jašče aformili časovuju rehistracyju ŭ kvatery dla ŭsich troch, pakolki heta patrabavańnie zakona (pastajannaja rehistracyja ŭ mianie i syna). U vybary žylcoŭ ja nie pamyliłasia: ludzi vielmi kulturnyja, akuratnyja. My spakojna žyli da hetaha listapada, a dakładniej da momantu, kali pryjšła «žyroŭka».
Zamiest zvyčajnych sum «prylacieła» 240 rubloŭ. Z «darmajedskimi» taryfami.
Spačatku padumała, što heta z-za mianie. Ja tolki-tolki vyjšła z vodpusku pa dohladzie za dziciem, tamu vykazała zdahadku, što mianie mahli pamyłkova zaličyć da «darmajedaŭ». Patelefanavała ŭ RSC, a tam ahałomšyli — sprava ŭ kvatarancie. Adzin z troch maich žylcoŭ nie pracuje. Adpaviedna, «kamunałku» paličyli pa poŭnym taryfie.
Ale ž ułaśnica ja, pastajannaja rehistracyja taksama ŭ mianie. Ja pracuju, u ekanomicy zaniataja. I druhi kvatarant pracuje (jany z žonkaj na adnym dahavory). Niaŭžo ciapier tak budzie ŭvieś čas? Čamu nielha paličyć praparcyjna — na kožnaha kvataranta, ź jakim zaklučany dahavor? — zadajecca pytańniem dziaŭčyna.
Niestandartny na pieršy pohlad vypadak my apisali ŭ aficyjnym zapycie, dakumient adpravili ŭ Ministerstva ŽKH. Adkazu pakul nie pastupiła. Ale ŭ dziaržaŭnych ŚMI temy ŭžo zakranalisia. Voś što piša vydańnie mlyn.by: «Navat kali ŭłaśnik pracuje, ale zdaje kvateru darmajedu (pytajecca, na jakija hrošy toj žyvie), ŽKH znoŭ raźličvajecca pa poŭnaj, niezaležna ad taho, chto ŭłaśnik. Heta nazyvajecca pryviazka ŽKH da płacielščyka. Zrazumieła, što havorka znoŭ pra «šeryja» dachody, ale jašče heta zroblena dla taho, kab paźbiehnuć fiktyŭnych ździełak. Naprykład, raniej dva tavaryšy, jakija siadzieli ŭ Varšavie, mahli fiktyŭna zdać adzin adnamu kvatery i nie płacić padatki. Ciapier takija varyjanty buduć vielmi prablemnyja».
Z anałahičnaj situacyjaj daviałosia sutyknucca i inšym minčanam: «Z 1 kastryčnika raźlik za aciapleńnie i padahreŭ vady pryviazvajecca da płacielščyka kamunalnych pasłuh. Płacielščykami źjaŭlajucca i ŭłaśnik, i najmalnik. Heta značyć, kali navat ułaśnik zarehistravany ŭ kvatery i nie źjaŭlajecca darmajedam, ale zdaje kvateru/pakoj pa dahavory čałavieku, jaki źjaŭlajecca darmajedam, — apłata 100% za aciapleńnie i padahreŭ vady. Siońnia svaryłasia pa hetym pytańni ŭ RSC. Ja zdaju pakoj u trochpakajoŭcy pa dahavory, paličyli 100 adsotkaŭ, tamu što kvatarant darmajed», — napisała adna z karystalnic sacsietki Threads.
Kamientary
Otkuda ono vziałoś,kto-to možiet vniatno pojaśniť?
Nikohda i nihdie jeho nie słyšał ot słova «voobŝie».