Rasijanie ŭ Homieli zachacieli ŭčynić mižnarodny skandał. Što za tajamničaja lalka była na pomniku Rakasoŭskamu
Adrazu paśla adkryćcia pomnika Rakasoŭskamu ŭ Homieli na pastamiencie źjaviłasia maleńkaja lalka čałavieka ŭ kaściumie, zaŭvažyŭ «Fłahštok». Na paźniejšych kadrach jaje ŭžo nie było. Miascovyja dziaržresursy nie akcentavali ŭvahu na dziŭnaj lalcy, i spačatku pierformans nie byŭ zrazumieły.
Ale potym pamočnik prezidenta RF Uładzimir Miadzinski, jaki pryjazdžaŭ u Homiel, ideołah «ruskaha śvietu», kiraŭnik Rasijskaha vajenna-histaryčnaha tavarystva, jakoje i «padaryła» pomnik, raskryŭ na svaim kanale sutnaść akcyi.
Miadzinski apublikavaŭ lalku bujnym płanam i napisaŭ:
«Niechta z tvorčaj hrupy vyrašyŭ tut ža simvalična nahadać F. Miercu ab haniebnym kancy jaho papiarednika. U kožnym žarcie jość dola žartu».
Havorka pra fiederalnaha kanclera Hiermanii Frydrycha Mierca. Na fonie padtrymki Ukrainy z boku ES i ŭ pryvatnaści Hiermanii rasijskaja prapahanda pradstaŭlaje sučasnych niamieckich čynoŭnikaŭ jak naščadkaŭ nacystaŭ.
Lalku naŭmysna padkłali, kab zrabić fota na nadpisie Adolf na pastamiencie pomnika.
Usio pakazvaje na toje, što pravakacyju zładziła delehacyja Miadzinskaha, i heta pravakacyja mahła być spłanavanaja na samym vysokim uzroŭni, piša vydańnie. Bo biez tłumačeńniaŭ Miadzinskaha nichto nie raspaznaŭ by Mierca ŭ tajamničaj lalcy i nie zrazumieŭ by toj miesiedž, jaki pryvioŭ Miadzinski. Rasijanie, vidać, nie paličyli patrebnym paviedamić ab pravakacyi homielskim uładam.
Jašče adna prajava «ruskaha śvietu», jakuju vyrašyli nie zaŭvažać miascovyja dziaržresursy, — vialiki banier z hieorhijeŭskaj stužkaj, simvałam rasijskaj vajennaj ahresii. Jaho trymała hrupa ludziej, jakaja stajała na supraćlehłym baku vulicy Savieckaj.
Raniej takuju raściažku nie bačyli ŭ tutejšych aktyvistaŭ NOD i inšych prychilnikaŭ «ruskaha śvietu». Možna mierkavać, što banier taksama raźmiaścili rasijanie, piša «Fłahštok».
-
U minskija kramy zavieźli ekzatyčnyja płady z Kałumbii
-
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
-
Jak ciapier vyhladaje staradaŭni kaścioł, na vyratavańnie jakoha dziaržava źbiraje achviaravańni FOTY
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami18
Kamientary
Atrymlivajecca łukašistskija resursy vyrašali nie raspaŭsiudžvajuć "ruski śviet" praz svai ŚMI, a NN vyrašała naadvarot?