U Mjanmie pierad pryjezdam Łukašenki vyzvalili bolš za 3 tysiačy palitviaźniaŭ
Rada nacyjanalnaj abarony i biaśpieki Mjanmy vydała dva ŭkazy ab pamiłavańni pierad usienarodnymi vybarami, paviedamlaje Ministerstva infarmacyi krainy. Zajaŭlenaja meta rašeńniaŭ — zabiaśpiečyć udzieł usich hramadzian, jakija majuć prava hałasavać, kab nichto nie straciŭ mahčymaść svabodna i spraviadliva vykazać svoj hołas, piša Reform.news.
Pa pieršym ukazie vyzvalili 724 čałavieki, asudžanych pa artykule 505‑A Kryminalnaha kodeksa. Hetym artykułam u Mjanmie karajuć za «fejkavyja naviny» i «siejańnie strachu», i jon zvyčajna vykarystoŭvajecca suprać niazhodnych z uładaj. Pry hetym, kali vyzvalenyja parušać zakon paŭtorna, im pryjdziecca adsiadzieć jak novy termin, tak i reštu staroha. Druhi ŭkaz zakranuŭ jašče 2 361 asudžanaha pa tym ža samym artykule.
Usienarodnyja vybary ŭ Mjanmie zapłanavanyja na 28 śniežnia 2025 hoda.
Siońnia Alaksandr Łukašenka prybyŭ u Mjanmu z dvuchdzionnym aficyjnym vizitam. U jaho zapłanavanyja pieramovy z vykanaŭcam abaviazkaŭ prezidenta Mjanmy i kiraŭnikom Rady nacyjanalnaj biaśpieki Min Aun Chłajnam u vuzkim i pašyranym farmatach. Budzie abmiarkoŭvacca supracoŭnictva ŭ śfierach sielskaj haspadarki, pramysłovaści, farmaceŭtyki, charčovaj biaśpieki i humanitarnych prajektaŭ, a taksama prahrec pa damoŭlenaściach, dasiahnutych padčas sustreč u Minsku ŭ sakaviku i červieni 2025 hoda.
Pa vynikach vizitu čakajecca padpisańnie šerahu dakumientaŭ, u tym liku darožnaj karty raźvićcia supracoŭnictva Biełarusi i Mjanmy na 2026—2028 hady.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary