Łukašenka prylacieŭ u Aman
Paśla vizitu ŭ stalicu Kyrhyzstana Biškiek na samit ADKB, a paśla ŭ Mjanmu Łukašenka prylacieŭ u Sułtanat Aman na Aravijskim paŭvostravie.
Vizit Łukašenki ŭ hetu krainu pradstaŭleny jak «pracoŭny».
U aeraporcie Maskata, stalicy Amana, jaho sustrakaŭ prezident Amanskaha inviestycyjnaha ahienctva Abdułsałam Al Muršydzi.
Padčas vizitu zapłanavanyja pieramovy Łukašenki z sułtanam Amana Chajsamam bien Tarekam Al Saidam.
Sułtan Amana, darečy, naviedvaŭ Minsk zusim niadaŭna, 6 kastryčnika 2025 hoda. Tady paviedamili, što Biełaruś i Aman majuć namier realizavać bujny sielskahaspadarčy prajekt u Viciebskaj vobłaści. Akramia taho, baki damovilisia pra budaŭnictva ŭ Biełarusi novaha celułozna-kardonnaha kambinata z amanskimi inviestycyjami prykładna na 1,4 miljarda dalaraŭ.
Čytajcie taksama:
U Najpjida źjaviłasia vulica Minskaja. Adkryvali ź vialikaj pompaj
Łukašenka sustreŭsia z v.a. prezidenta Mjanmy
U Mjanmie pierad pryjezdam Łukašenki vyzvalili bolš za 3 tysiačy palitviaźniaŭ
U Hviniei-Bisau skinuli prezidenta, jaki paŭhoda tamu pryjazdžaŭ da Łukašenki