Лукашэнка прыляцеў у Аман
Пасля візіту ў сталіцу Кыргызстана Бішкек на саміт АДКБ, а пасля ў М'янму Лукашэнка прыляцеў у Султанат Аман на Аравійскім паўвостраве.
Візіт Лукашэнкі ў гэту краіну прадстаўлены як «працоўны».
У аэрапорце Маската, сталіцы Амана, яго сустракаў прэзідэнт Аманскага інвестыцыйнага агенцтва Абдулсалам Аль Муршыдзі.
Падчас візіту запланаваныя перамовы Лукашэнкі з султанам Амана Хайсамам бен Тарэкам Аль Саідам.
Султан Амана, дарэчы, наведваў Мінск зусім нядаўна, 6 кастрычніка 2025 года. Тады паведамілі, што Беларусь і Аман маюць намер рэалізаваць буйны сельскагаспадарчы праект у Віцебскай вобласці. Акрамя таго, бакі дамовіліся пра будаўніцтва ў Беларусі новага цэлюлозна-кардоннага камбіната з аманскімі інвестыцыямі прыкладна на 1,4 мільярда даляраў.
Чытайце таксама:
У Найп’іда з’явілася вуліца Мінская. Адкрывалі з вялікай помпай
Лукашэнка сустрэўся з в.а. прэзідэнта М'янмы
У М’янме перад прыездам Лукашэнкі вызвалілі больш за 3 тысячы палітвязняў
У Гвінеі-Бісау скінулі прэзідэнта, які паўгода таму прыязджаў да Лукашэнкі