Ksiandzy Akałatovič i Juchnievič praviali ŭ Vatykanie śviatuju imšu

Za dva tydni znachodžańnia ŭ Vatykanie niadaŭna vyzvalenych pa pamiłavańni biełaruskich śviataroŭ aficyjnaj infarmacyi adnosna ich tak i nie źjaviłasia. Adnak vierniki daviedalisia, što ksiondz Hienrych Akałatovič i ajciec Andžej Juchnievič praciahvajuć zastavacca ŭ Rymie, piša Katolik.life.

Apostalski nuncyj Ińjacya Čefalija, Hienrych Akałatovič, Andžej Juchnievič i arcybiskup Juzaf Stanieŭski adrazu paśla vyzvaleńnia ksiandzoŭ. Fota: Kanfierencyja katalickich biskupaŭ

Paćvierdziłasia zdahadka, što ciapier abodva śviatary prachodziać miedycynskaje abśledavańnie.

Ksiondz Akałatovič upieršyniu za dva hady, a ajciec Andžej — upieršyniu za amal paŭtara hoda — adpravili śviatuju imšu. U źniavoleńni ŭ ich nie było takoj mahčymaści.

Śviatary nie ŭdzielničajuć u publičnych mierapryjemstvach i nie mieli aficyjnych sustreč. Pavodle infarmacyi viernikaŭ, peŭny čas jany pavinny pravieści «ŭ cišyni». Arcybiskup Minski i Mahiloŭski Juzaf Stanieŭski, jaki ich supravadžaŭ, na minułym tydni viarnuŭsia ŭ Minsk.

Tym časam Papa Leŭ XIV skončyŭ svajo apostalskaje padarožža i ŭžo znachodzicca ŭ Rymie — tamu znoŭ źjaviłasia vierahodnaść, što jon moža sustrecca ź biełaruskimi śviatarami.

Kamientary da artykuła