U Breście žančyna z dapamohaj ŠI stvaryła jalinkavyja cacki ź miascovymi słavutaściami. Ludziam spadabałasia
Žycharka Bresta z dapamohaj štučnaha intelektu stvaryła kalekcyju navahodnich cacak, u asnovie jakich — simvały i viadomyja miaściny hetaha horada, zaŭvažyła BGMedia.
Na jalinkavych fihurkach «ažyli» Bresckaja krepaść, bronzavy lichtarnik, słavuty hadzińnik na vulicy Savieckaj, manumient «Mužnaść», Chołmskaja brama, čyhunačny vakzał, pomnik tysiačahodździu Bresta, carkva Śviatoha Mikałaja i inšyja abjekty.
Prajekt vyklikaŭ aktyŭnuju reakcyju karystalnikaŭ. Bolšaść adznačaje, što ideja atrymałasia ciopłaj, aryhinalnaj i vielmi atmaśfiernaj. Ludzi pišuć, što taki dyzajn navahodnich cacak vyhladaje pryhoža i stvaraje adčuvańnie śviata. Mnohija chacieli b nabyć takuju kalekcyju, kali b jaje vypuścili ŭ prodaž.
Adnak niekatoryja karystalniki raskrytykavali prajekt, miarkujučy, što vykarystańnie Bresckaj krepaści abo relihijnych budynkaŭ u vyhladzie jalinkavaj azdoby moža być nie zusim darečnym. Tym nie mienš, pazityŭnych vodhukaŭ značna bolš, i mnohija padkreślivajuć — ideja jarkaja, sučasnaja i dobra pieradaje śviatočny nastroj.
Čytajcie taksama:
Babrujčanka sabrała kalekcyju ź dźviuch tysiač navahodnich jołačnych cacak časoŭ SSSR