«Rašeńni pa ES budzie prymać sam ES». U Jeŭrakamisii prakamientavali Stratehiju nacyjanalnaj biaśpieki ZŠA

Paśla ŭčarašniaj publikacyi abnoŭlenaj Stratehii nacyjanalnaj biaśpieki ZŠA Jeŭrakamisija padkreśliła, što vysoka cenić transatłantyčnyja adnosiny, ale rašeńni, jakija tyčacca Jeŭrapiejskaha sajuza, prymaje sam Jeŭrasajuz, piša «Jeŭrapiejskaja praŭda».

Fota: vecteezy.com

Pres-sakratar Jeŭrakamisii adznačyŭ, što ŭ dakumiencie ZŠA słušna vyznačajucca pryjarytety — spynieńnie rasijskaj vajny suprać Ukrainy, a taksama ŭvaha da padziej u Zachodnim paŭšarji, važnych dla biaśpieki samich ZŠA. Jon padkreśliŭ, što Jeŭropa stratehična i kulturna značnaja dla Amieryki, a transatłantyčnyja handlovyja suviazi zastajucca adnym z padmurkaŭ hłabalnaj ekanomiki.

Pradstaŭnik Jeŭrakamisii taksama nahadaŭ, što apošnija hady ES uzmacniaje namahańni, kab źmienšyć zaležnaść ad ZŠA ŭ abaronnaj śfiery, i budzie praciahvać supracoŭnictva, skiravanaje na pavieličeńnie kankurentazdolnaści Jeŭropy.

Jon padkreśliŭ: usie pytańni, jakija tyčacca Jeŭrapiejskaha sajuza, uklučajučy rehulavańnie, abaronu svabody słova i padtrymku mižnarodnaha paradku, zasnavanaha na praviłach, buduć vyrašacca samim ES.

U samoj stratehii ZŠA havorycca pra nieabchodnaść adnaŭleńnia stratehičnaj stabilnaści ŭ adnosinach z Rasijaj, nadańnie Jeŭropie bolšaj adkaznaści za ŭłasnuju abaronu i strymanaść u pytańniach dalejšaha pašyreńnia NATA.

Hałoŭnaja dypłamatka Jeŭrasajuza Kaja Kałłas raniej adznačyła, što choć u častcy krytyčnych zaŭvah z boku ZŠA i jość peŭny hrunt, Jeŭropa pavinna ŭpeŭniena adstojvać svaju siłu i pazicyju, u tym liku ŭ adnosinach da Rasii.

Kamientary da artykuła