Litva i ZŠA buduć razmaŭlać, kab pryznać hibrydnyja ataki Biełarusi terarystyčnymi dziejańniami
Premjer-ministr Litvy skazała, što atrymała paćviardžeńnie — ZŠA buduć padtrymlivać Litvu, jakaja sprabuje viarnuć zatrymanyja ŭ Biełarusi ciahačy. Pa słovach Inhi Ruhinienie, z amierykancami ŭžo havorać pra mahčymaść pryznać hibrydnyja ataki Minska terarystyčnymi dziejańniami, piša Delfi.lt.
«Ja rada, što ŭžo razmaŭlała niepasredna z amierykancami, vielmi spadziajusia, što ŭ najbližejšy čas adbudziecca sustreča z voka na voka, mnie zdajecca, nam jość pra što pahavaryć. (…) Na siońnia ŭ mianie jość zapeŭnivańni ŭ tym, što amierykancy nam dapamohuć, nikomu nie prymajecca toj fakt, što Biełaruś siońnia trymaje transpart našych pieravozčykaŭ u zakładnikach, što mieteazondy ź Biełarusi lotajuć u bok našych stratehičnych abjektaŭ», — skazała žurnalistam premjer-ministr.
«My havorym pra toje, što hetyja dziejańni pavinny być pryznanyja teraryzmam», — zaŭvažyła Ruhinienie.
Z-za častych zakryćciaŭ aeraporta ŭ Vilni finskaja avijakampanija Finnair užo abjaviła pra skasavańnie adnaho viačerniaha rejsa z Chielsinki ŭ Vilniu. Heta rašeńnie kampanii budzie dziejničać da kanca 2026 hoda.
Pa słovach premjer-ministra, Litva prapanavała avijakampanijam na lhotnych umovach pieranieści rejsy ŭ Koŭnu, adnak kančatkovyja rašeńni pavinny pryniać avijapieravozčyki.
«Avijakampanii vyrašajuć, mianiać ci napramak, chtości zastajecca, chtości surjozna abmiarkoŭvaje źmienu aeraporta na Koŭnu, chtości karektuje raskład», — zaŭvažyła Ruhinienie.
«Z našaha boku hałoŭnaje — prapanavać źnižki i dobryja ŭmovy, kab avijapieravozčykam było zručna, my razumiejem, što padzielim ź imi finansavuju nahruzku», — dadała premjer.
Z-za pavietranaj kantrabandy druhi miesiac davodzicca zakryvać aeraport Vilni pa načach. Apošni raz aeraport nie pracavaŭ u noč na čaćvier, jon zakryvaŭsia navat trojčy, masiravanaja ataka fiksavałasia i ŭ minułuju niadzielu.
-
U kabiniet hiniekołaha homielskaj palikliniki padčas ahladu žančyny zajšoŭ mužčyna-inžynier — ale vymovu zrabili nie jamu
-
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja
-
Słava Kamisaranka raskazaŭ, jak žyvie, kali zastaŭsia biez rasijskaha hramadzianstva
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja9
Kamientary