Domračava hatovaja ŭznačalić zbornuju Biełarusi. Ale pry adnoj umovie

Čatyrochrazovaja alimpijskaja čempijonka pa bijatłonie Darja Domračava ŭ intervju vydańniu news.ru zajaviła, što hatovaja razhledzieć prapanovu ŭznačalić zbornuju Biełarusi. Ale adznačyła, što hałoŭnaj umovaj dla takoj pracy źjaŭlajecca mahčymaść padarožničać ź siamjoj.

Darja Domračava i Ule-Ejnar Bjorndalen

«Być trenieram — vielmi cikava, maješ cudoŭnyja adčuvańni, kali bačyš, jak prahresujuć tvaje spartsmieny. U toj ža čas hetaja prafiesija, asabliva ŭ bijatłonie, źviazanaja z doŭhimi adjezdami z domu, praciahłymi zborami.

U nas u siamji dvoje maleńkich dziaciej — čas ź imi, ź siamjoj dla mianie siońnia ŭ pryjarytecie. Kali pracu treniera možna sumiaščać z padarožžami ŭsioj siamjoj, jak heta ŭ nas atrymlivałasia ŭ Kitai, — takija varyjanty možna razhladać», — skazała Domračava.

Z 2019 pa 2022 hod Darja Domračava razam sa svaim mužam, słavutym narviežskim bijatłanistam Ule-Ejnaram Bjorndalenam uznačalvała nacyjanalnuju kamandu Kitaja pierad zimovymi Alimpijskimi hulniami ŭ Piekinie. Para haduje dźviuch dačok — 9‑hadovuju Ksieniju i 2‑hadovuju Miru. 

Kamientary da artykuła