U jaho i Darji Domračavaj — dvoje dziaciej.
Ole-Ejnaru Bjorndalenu niekalki razoŭ prapanoŭvali viarnucca da trenierskaj pracy ŭ bijatłonie, ale pakul što ničoha pryvabnaha nie było, paviedamlaje NRK.
Jon razam z žonkaj, biełaruskaj Darjaj Domračavaj treniravali nacyjanalnuju zbornuju Kitaja z 2019 pa 2022 hod, ale pośpiechaŭ nie dasiahnuli.
Z tych časoŭ jon pracavaŭ ekśpiertam na telekanale TV2. U nastupnym siezonie jon taksama budzie tam. Viartańnie da trenierskaj prafiesii — heta vydatnaja padzieja, kaža šmatrazovy alimpijski čempijon.
— Heta byŭ vydatny čas. Mnie spadabaŭsia toj čas, tamu što ja moh sumiaścić jaho ź siamjoj, — raspaviadaje Bjorndalen pra čas, praviedzieny ŭ Kitai, i dadaje:
— Być trenieram u Jeŭropie niaprosta. Vielmi składana sumiaščać heta ź siamjoj.
U ich z žonkaj Darjaj Domračavaj dvoje dziaciej.
Bjorndalen raspavioŭ, što atrymaŭ niekalki prapanoŭ viarnucca da trenierskaj pracy.
— Letaś ja adchiliŭ piać ci šeść prapanoŭ, — kaža Bjorndalen, jaki nie choča raskryvać, ź jakich krain jany pastupili.
Kamientary